:واظن هيعمل كده مع سيلا
: لا هي قالت هتفهمها ولو فكر اهي سيلا و مامتها معاهم اللي يحميهم
*ربت على كتف فريد :راجل يا فريد خليك دايما واقف جنب اخواتك البنات بس ابقى فكر قبل ما تتصرف لانه كان ممكن يئذيك و يحب-سك
: ما كانش يقدر هو عامل بلوه سوداء كمان هيبقى ليه عين
:معلش بلاش تهور بعد كده انا كان هدفي الم الموضوع عشان سيلا صغيره
: والله احنا اللي كان المفروض نحب-سه مش نجوزه
:اللي حصل يا فريد يعني هنف-ضح اختك انا طالع لابوه عشان اعرفه اللي كان بيعمله مع جودي و احذره لو كررها مع سيلا ويعرف كل بلاويه
*صعد فهمي لاخيه وحكى له ما فعل باسل وسبب ض-رب فريد له
*تحدثت والده باسل
:انا من الاول ما كنتش موافقه على جودي مالك محموق قوي لها زي ما تكون بنتك
:هي بنتي يا ام جواد وانت عارفه كده كويس قوي ولو اعرف ان ابنك هيعمل معاها كده كنت رفضت اجوزها له ولو فكر يعمل مع سيلا كده ما يلومش الا نفسه
بقلمي سحر السحرتي
: لا يعمل مع سيلا دي بنت عمه واحلى واصغر من جودي وفي كليه كويسه مش بتاعة التربيه الرياضيه
:مالها تربيه رياضيه ومالها جودي وانت اصلا قاعده ليه مع الرجاله دخل مراتك يا سعد عشان ما اغلطش فيها انا على اخري من اللي ابنك عملوا وما رعاش ان دول بناتي
:ادخلي جوه انا مش عارف اتاسف لك ازاي واقول ايه ده يستاهل اللي عمله فريد واكثر انا هكمل عليه
: خلاص سيبه بس حذره لو قرب لسيلا هدف-نه
:لو كنت اعرف بموضوع جودي كنت دف-نته لكن هي يا حبيبتي استحملته
ام جواد: استحملته ده ايه ده راجل يعمل اللي هو عايزه
سعد: اتلمي بنات الناس مش لعبه و باين عليك انت اللي مقوياه على كده بس لو عمل حاجه لسيلا ما حد هيدف-نه غيري ترضيها لبنتك
: بنتي متربيه
*فهمي بعص-بيه وغض-ب شديد
: وجودي متربيه هنا و سطكم واخلاقها معروفه
: اه بس مشيت معاه قبل الجواز
:هي مشيت مع ابن عمها اللي ضحك عليها عشان سنها صغير وخان الامانه
: بس ما تقولش ابن عمها
: ام جواد تحبي اح-سرك عليه النهارده بطلي كلامك ده سعد انا ماشي قبل ما اخليك تترمل و تدف-ن ابنك في يوم واحد
: اهدى يا فهمي ما تزعلش ما انت عارف طبعها وللاسف باسل واخد منها كتير انا هنزل اعتذر لجودي انا طول عمري بحبها
: بلاش دلوقتي نفسيتها مرهقه بس بلغ ابنك الرساله
*بعد اسبوع كانت جودي خلاله داخل الغرفه لا تاكل الا القليل ولا تتحدث مع احد خرجت وهي تحمل شنطه ملابسها
مها :ايه الشنطه دي يا جودي رايحه فين بعد اذنك واذن بابا هقعد في شقه جدو اللي تحت خالو محتاجه اقعد لوحدي
: ليه يا حبيبتي ومين هياخذ باله منك اذا كان انت هنا بتاكلي وجبه واحده بالعافيه لما خسيتي النص
: ماما انا محتاجه الملم شتات نفسي واشوف هعمل ايه
*خرج فهمي بعد ان سمع حوارها
:في ايه يا جودي ازاي هتقعدي لوحدك في حد زعلك
:لا يا بابا بس محتاجه فعلا اكون مع نفسي واشوف هشتغل فين
:تشتغلي كمان
: امال كنت بدرس و باخذ شهاده ليه
:طب هسيبك شويه وتبقي ترجعي بعد فرح سيلا
:معلش خليني على راحتي واتفضل
:ايه ده
:دي الشبكه اللي حضرتك اشتريتها خلاص ما بقتش محتاجه لها
: بس ده حقك
:حقي لو كان هو اللي اشتراها من فلوسه
:خليها يا جودي دي هديه لك سواء متجوزه او لا
