منى فعلا يا بخته عيسى بيكي
(زواج تحت التهديد بقلمي اسراء محمود لا اله الا الله وحده لا شريك له له الملك وله الحمد يحيي ويميت وهو على كل شيء قدير سبحان الله والحمد لله ولا اله الا الله الله اكبر ولا حول ولا قوه الا بالله العلي العظيم)
اتكسفت صبا جدا من كلام منى بس ما ردتش وكانت لحظات وبصت لقت صفا وجميله بيشدوها علشان ترقص
صفا لازم تيجي ترقص علشان تحتفلي بورد مش انت بتحبيها دي زي عربون محبه يعني عندينا لما نحب العروسه نرقص لها
صبا بس يعني انا مش بعرف
جميله كيف ده في واحده مش بتعرف ترقص اهو اعملي اي حركات وخلاص بس لازم ترقصي ويانا. قولي حاجه ياما وانت يا خاله منى قولي حاجه
وهيبه روحي يا بنتي ارقصي ويا اخواتك
ذهبت معهم صبا وهي خجلانه جدا وبدات تتمايل بخفه على انغام الموسيقى وبعد فترات بسيطه اندمجت صبا ونسيت خجلها وخوفها وبقت ترقص ببراعه كبيره جدا وفي اللحظه دي كانت صفا بره بتعمل حاجه وداخله بتجري علشان تشوف صبا وهي بترقص
وقبلت عيسى في طريقها
عيسى باستغراب واه مالك متصربعه اكده ليه في حاجه
صفا لا يا اخويا بس الصراحه مرتك بترقص وهي ايه مولعه الدنيا جوه وانا عايزه اكون وياها.
حمحم عيسى هي صبا بترقص فعلا
صفا بلؤم واه وانت ما تعرفش ولا ايه يا اخويا دي ما شاء الله عليها ولا فيفي عبده في زمانها
عيسى هز راسه وسكت بس كان هيموت ويشوف صبا وهي بترقص وقال الصبر وطلع عند الرجاله ودخلت صفا وانضمت للحريم وفضلوا فتره كده لحد ما جه عيسى نده عليهم من بره وخرجت صفا ليه
صفا ايوه يا اخويا
عيسى طلعوا ورد على جناحها
صفا بابتسامه حاضر يا اخويا. ثم دخلت الى الداخل
صفا يلا يا حريم كل واحده تلبس العبايه عليها لان العروسه هتطلع خلاص الجناح لان العريس طالع. وفعلا ابتدت كل واحده تحط العبايه عليها اول حاجه اللي مغطيه بيها فستانها و يتجهزوا للخروج وراحت صفا اخذت ورد وطلعتها لجناحها وفي الوقت ده قامت جميع النساء بالزغاريط كمان صبا لبست الوشاح وحطيته على وشها مره ثانيه وبعد لحظات دخل العريس برده قامت النساء بالزغاريط. فضلت الحريم شويه مكانهم وكمان الرجال بره مع بعضيهم
صبا وهي تقترب من وهيبه
اسمحي لي يا ماما اطلع ارتاح لاني تعبت قوي النهارده ومش قادره اقف كمان تاني
وهيبه اطلعي يا حبيبتي ريحي نفسك واستني جوزك لانك من الصبح واقفه مع ورد.
صبا حبيبتي يا ماما ثم نظرت ناحيه منى اكيد هنتقابل تاني
منى طبعا يا حبيبتي انا قاعده معاكم شويه واكيد هتعرف عليك وهنقعد مع بعض كثير.
(زواج تحت التهديد بقلمي اسراء محمود استغفر الله العظيم من كل ذنب عظيم واتوب اليه استغفر الله العظيم الذي لا اله الا هو الحي القيوم واتوب اليه)
صبا بابتسامه طبعا عن اذنكم تصبحوا على خير
الجميع وانت من اهل الخير يا حبيبتي. طلعت صبا وهي طالعه قبلت صفا وجميله في وشها
جميله رايحه فين يا صبا لسه بدري
صبا خلاص مش قادره انتم عارفين واقفه من الصبح خلاص حاسه نفسي مهدوده عايزه اطلع اخذ شاور وانام.
صفا روحي يا حبيبتي فعلا واقفه من الصبح وكمان النمره اللي كنت عاملاها في الفرح وتقولي مش عارفه ده احنا اللي طلعنا مش عارفين
جميله عندك حق والله نقول لها يلا بينا يا صبا تقول انا ما بعرفش وهي ايه ما شاء الله عليها علامه بقول لك ايه انت لازم تعلميني
صبا مش للدرجه دي يعني او اي هبل بعمله وخلاص
جميله اهو الهبل ده لو عيسى شافه اضمن لك انك مش هتخرجي من الاوضه لمده اسبوع ثم ضحكت هي وصفا عليها
صفا والله عندك حق يا جميله بس الاسبوع ده قليل
خجلت صبا كثيرا من كلامهم وبعدين معاكم انتم مش هتبطلوا كل واحده فيكم عماله تحفل عليا ماشي وانت يا اختي انت وهي ايه ما بتعملوش هبل زي كده وازواجكم ما بيشوفوش
صفا هبل ايه ده احنا طلعنا فعلا بنهبل والله رجالتنا دي فعلا طلعت مظلومه معانا
جميله اه والله لو حد فيهم شاف اللي صبا عملته هيطلقنا ويتجوز علينا فورا
صبا ليه بقى ان شاء الله انتم بتقولوا اي كلام وخلاص بس بقول لكم ايه خلاص هبقى اعلمكم واهو اكسب فيكم ثواب يل بقى انا هطلع انام لان فعلا هنكت خالص ومش قادره الصبح ابقى اتكلم معاكم يلا نروح ثم ضحكت تصبحوا على خير بقى
صفا وجميله وانت من اهل الخير يا حبيبتي
اما عند محمد وورد
محمد اول ما دخل الاوضه وقفل الباب لقى ورد قاعده على السرير ولسه بفستانها وكمان الطرحه مغطيه وشها قرب منها وشال الطرحه عن وشها
محمد بابتسامه بسم الله ما شاء الله تبارك من خلقك انا مش مصدق نفسي انك بقيتي مراتي ومعايا انت كنت حلم كبير وبعيد والحمد لله اهو التحقق
ورد بكسوف بجد يا محمد انت بتحبني فعلا
محمد كلمه حب دي قليله قوي على احساسي بيكي انت بنتي اللي اتربت قدام عيني وكبرت وكل يوم حبي ليكي كان بيكبر معاكي بس كنت بصبر نفسي علشان استناكي لاني كنت عايز تحققي حلمك الاول.
ورد ربنا يخليك يا ولد عمي
محمد واد عمك بس
