لا! أنت وبابا بس
ضحكت جامد
دخل قرة عيني عمر وهو بيضحك هو كمان الظاهر أنه كان متابع الموضوع من أوله
يبدو أن احدهم يغار عليكي يا ست روح حتى من قبل ما تنوري الدنيا
طبعا أنت كنت شاكك ولا إيه! د يزن يا بابا صح يا يزن أنت بتغير على روح!
قلتها وأنا بزغزغ يزن وهو بيضحك ومش فاهم أنا وباباها بنتكلم على إيه أصلا قرب عمر مننا وقعد جنبي وهو بيضحك وأخد يزن من حضڼي وقعده على رجله وهو بيقوله
شاطر يا واد يا زيزو عايزك تفضل تغير على روح كدا علطول وتبقا صاحبها! أوعى تزعلها د أختك الصغيرة
حرك راسه بأيوا وهو بيبص لأبوه بتركيز فقاله عمر من تاني وهو بيعمل زيه
هو إيه إلل…! أنا عايزك تقولي حاضر يا بابا
حاضر يا بابا
قولت أنا
على فكرة هيبقوا قريبين من بعض أوي وبكرا تقول هبة قالت!
روح!
قالها بصړاخ عالي
في إيه! في إيه يا يزن!
فين الحيوانة روح!
أهدى بس إيه إلل حصل!
قال وهو بيشاورلها على باب المطبخ
أدخلي يا ما كملي الأكل د مشكلة صغيرة وهحلها على طول
والله العظيم إنتوا ولاد هبلة
قالتها وهي بټضـ,ـرب كف على التاني ودخلت المطبخ من تاني وهو بيقول لنفسه بإستغراب
د على أساس أنها شتمتنا إحنا يعني!
جري بسرعة على أوضة أخته بعد ما أفتكر هو كان بيعمل إيه
—
وأقتحم الأوضة بدون إستأذان وهو بيدور عليها في الأوضة كلها
روح! يا بت! طب أجبلها جبنة د ولا إيه! طب أطلعي وهنتكلم بهدوء وعقلانية
لقى صوت طالع وهو بيقول
كذاب في أصل وشك
بص في كل حتة وهو بيركز على مكان الصوت وبص پصدمة فوق الدلاب
يخربيت سنينك! إيه إلل طلعك فوق!
بهرب منك أنت شړاني ولو مسكتني هتضـ,ـربني يا شرير!
أمك لو عرفت هتعمل من فخادك شاورما!
