حجة!
.. بعد سنة
الحقيني يا حماتي! أنا مش عارف أرقص مع مراتي ولا حتى أقعد جنبها!!
ضحكت عليا وهي بتقول
والله يا بني أنا لو أتدخلت هيلغي الفرح كله
قولت بإستنكار
هو أنا أتجوزتها عشان هو إلل يرقص معاها!!
مدت إيدها جنبها وجابت إزازة بيبسي ومدتلي إيدها بيها وهي بتقول
روق على نفسك يا حبيبي تعالى أقعد تعالى
قعدت وأنا فاضلي تكة وأعيط على حظي
يعني العرسان كلها بتقعد جنب عروساتهم في الكوشة وأنا أقعد جنب حماتي!
مالها حماتك يا قلبي!
قالتها وهي بتضحك عليا بردو
ولا حاجة يا ست الكل والله مش قصدي والله بس يعني أرقص معاها حتى!
بص يا مصطفى يا حبيبي أنا زي والدتك الله يرحمها وخاېفة عليك يزن أبني غبي ولو روحتله دلوقتي مش بعيد ياخد أخته ويروح أصلا ويقول بلا جواز بلا بتاع وهيقعدها جنبه لغايت ما أسنانها تقع وشعرها يخف فنصيحتي ليك ساريه في غبائه
ما أنا بساريه أهو!
يا بني هو مش أنت وأنت بتتقدم قولتلك أن يزن بيغير على روح أوي ومعتبرها بنته وصحبته ومراته مش أخته وبس!
اه قولتيلي بس بردو يا حماتي أنا بحب روح وفضلت وأستنيت سنين لغايت ما أجهز نفسي ومنعت نفسي سنين وسنين من إني أكلمها غير
برابط شرعي وأخيرا بقت على أسمي أي نعم مش عارف أرقص معاها أو أقعد جنبها بس لأجلها هي وبس هستنى وهصبر وإلل خلاني أستنى كل السنين إلل فاتت قادر يخليني أصبر كام ساعة كمان
لقيتها بتقول وهي فخورة بكلامي
ود السبب إلل خلانا نوافق أننا نديك بنتنا يا مصطفى
قالتها وقامت وقربت من يزن وروح وأخدت إيد يزن بعد ما قالتله حاجة في ودنه ووهي ماشية بصتلي وغمزت قولت بضحك
ما يجبها إلا ستاتها
وقربت بسرعة من روح وأنا بحط إيدها في أيدي ومبتسم جامد
على فكرة القمر غيران
بصتلي من بإستغراب
من إيه!
من جمال حبيبي!
بصت في الأرض بحرج وأنا مكمل كلامي
تعرفي إني كنت بسهر معاه قبل ما نتخطب وبنفضل نتكلم
طب ودلوقتي
تؤ دلوقتي تفرق! أكلمه ليه وأنا البنت إلل كنت بكلمه عنها معايا!
إبتسمت وبعدها بصتلي وهي بتقول بتقطع
على فكرة.. أنا.. إحم… أنا يعني
وبصت للأرض من تاني وهي بتلعب في صوابعها رفعت راسها وبصيت في عنيها بإبتسامة
أنت إيه!
قالت بإبتسامة وشجاعة بعد ما أخدت نفس عميق
أنا كنت معجبة بيك
كنت!
