في أوضة إيمان
إيمان نايمة علي المخدة ودموعها غلي خدها وبتفتكر كلام حسام ومامتها
فلاش باك
إيمان كانت عاملة نفسها نايمة علشان تسمع هما بيفكروا في ايه تاني من وراها
سماح والدة إيمان:الدكتور أدم قال لك الدكتور النفسي ده هيجي امتي
حسام:بكرة إن شاء الله
سماح:هو اسمه ايه الدكتور ده
حسام:شريف تقريبا
سماح: ربنا يجعل في إيده الشفا ويعرف يخرجها من اللي هي فيه يارب
حسام:اللهم أمين
إيمان كانت بتسمعهم وعنيها دمعت نفسها تصرخ نفسها تطلع كل اللي جواها
إيمان في نفسها:يارب أرحمني يارب من العذاب ده رجلي مش هقدر امشي عليها تاني و دلوقتي جابولي دكتور نفسي يا تري لسه الدنيا هتعمل فيا ايه تاني أكتر من كده يارب أرحمني يارب من البلاء ده ربي لا اسئلك رد القضاء ولكني اسئلك اللطف فيه
باك
إيمان بدموع بتترجي ربنا:يارب ارحمني يارب أرجوك
⚘⚘⚘⚘⚘⚘⚘⚘⚘⚘⚘⚘⚘⚘
Alaa Mohamed
⚘⚘⚘⚘⚘⚘⚘⚘⚘⚘⚘⚘⚘⚘
في المستشفي عند الاء
مروة بدموع:هي هتفوق امتي
مالك:الدكتور بيقول دخلت في غيبوبة ويا عالم
هتفوق منها امتي بس قال إن احنا لازم نتكلم معاها ونفكرها بذكريات حلوة نقولها حاجات تخليها تحب الحياة وتبقي عايزة ترجع
مروة:ماشي شكرا ليك بجد لو مكنتش معانا وأنقذتها معرفش كان ممكن يحصلها ايه
مالك:مفيش داعي للشكر ده واجبي عن إذنك لازم اروح دلوقتي علشان عندي شغل وهرجع تاني بليل وأي حاجة تحتاجيها اطلبي من أي حد المستشفي كلها هنا تحت أمرك
مروة:كتر خيرك يا أستاذ مالك
مالك:ماشي عن إذنك
🌱🌱🌱🌱🌱🌱🌱🌱🌱🌱🌱🌱🌱🌱
Alaa Mohamed
🌱🌱🌱🌱🌱🌱🌱🌱🌱🌱🌱🌱🌱🌱
مالك نزل من المستشفي وراح مكان شبه البيت المهجور
مالك قاعد علي كرسيه بتكبر
مالك:امم ايوه يا توفيق فكرني كنت بتقول عليا ايه كده كنت بتقول غبي صح
توفيق:لا العفو يا مالك باشا أنت الغباء نفسه
مالك اتعصب وضرب توفيق بوكس في وشه
عادل برجاء لمالك:خلاص يا مالك باشا أرجوك سيب أبني واضربني انا مش مهم لكن سيب عمر وتوفيق الله يرضي عنك
مالك بضحكة شر:ههههه أسيبهم أنت بتحلم أسيبهم ازاي بعد اللي عملوه وبص لعمر نظرة توعد ولا ايه يا عمر
عمر خاف وفهم مالك بيلمح لأيه
وائل:احنا كنا بنحميها منك ومن شرك
مالك ضحك بسخرية:ههههههه بتحموها يا راجل قول كلام غير ده كريم انا حاسس إني زهقان شوية ما تجيب لنا فيلم نتفرج عليه
كريم:أوامرك
مالك:طب يلا شغلنا الفيلم علشان الضيوف اللي عندنا حاسسهم ذهقوا من الضرب ومحتاجين شوية ترفيه
كريم شغل الفيلم
وأول ما شافوه اتصدموا
الفيلم كان عبارة عن تسجيلات الكاميرا اللي كانت في الأوضة المحبوسة فيها الاء
مالك:ايه رأيكم أتمني يكون عجبكم
وبنظرة شر والله لأدفعكم تمن كل دمعة نزلت منها وراح عند عمر وضربه بوكس قوي
مالك لعمر:إذا كان أهلك ما عرفوش يربوك أربيك انا بس بطريقتي
وضربه بوكس تاني
مالك يوجه كلامه لكريم:كررريم ممنوع حد يقدم لهم أكل او شرب لحد ما اقول وياريت تقول الرجالة يتوصوا بتوفيق وعمر وخصوصا عمر
كريم:أوامرك يا مالك بيه
مالك مشي راح ركب العربية
في العربية
مالك يوجه كلامه للسائق:روح علي البيت
السائق:اوامرك
مالك سند رأسه لورا لتعيد ذاكرته الذكري المؤلمة
فلاش باك
مالك بعد لما خرج من أوضة الاء بيتكلم في التليفون
مالك:الو
كريم:مالك باشا احنا لاقينا إن في كاميرات فعلا في الأوضة اللي كانت محبوسة فيها أنسة الاء
مالك:حلو أوي أبعتهم لي فورا
كريم:تمام
كريم بعت لمالك الفيديوهات ومالك كان بيتفرج علي الاء وهو حزين وبيأنب نفسه إنه مش عرف يحميها كان شايف قد ايه كانت بتعيط وخايفة ووحيدة وكان مبسوط وطاير من الفرحة لما سمعها بتدعي ربنا إنه يجي وينقذها وتوعد لعمر وتوفيق لما شافهم عملوا فيها ايه
مالك بتوعد ليهم:والله لأدفعكم التمن غالي وأوريكم مين مالك صقر المنشاوي
باك
السائق:مالك باشا مالك باشا
مالك:ايه
السائق:وصلنا يا فندم
مالك:اه ماشي
مالك نزل من العربية
دخل البيت وكان طالع أوضته علشان يغير هدومه ويروح المستشفي ليقاطعه صوت أحد ما قبل صعوده
كريمة والدة مالك:مالك
مالك بأبتسامة راح عندها
مالك وطي وباس إيدها ورأسها:ازيك يا ست الكل عاملة ايه
كريمة بسخرية:وانا همك في ايه إذا كنت كويسة أو لاء أو حتي مت
مالك:ليه بتقولي كده بس
كريمة:أنت مش ملاحظ أني مش كنت بشوفك خالص الفترة اللي فاتت تمشي الصبح قبل ما نصحي وترجع بليل بعد ما أنام كأنك مستقصد أني مش أشوفك
مالك:لا والله مش كده بس أنتي عارفة الشغل ومشاكله معلش وعد هعوضك
كريمة:ولا تعوضني ولا زفت انا زعلانة منك
مالك:ليه كده يا كوكي بس يرضيكي مالك حبيبك ينام زعلان ومهموم علشان أنتي زعلانة منه
كريمة بحنية:لا ميرضنيش بس لو عايزني أسامحك عندي شرط
مالك:أنت تشرط براحتك يا جميل وانا أنفذ
كريمة:تقعد معايا النهاردة نتعشي سوا
مالك بتفكير هو مش عايز يزعلها وفي نفس الوقت لازم يروح ل الاء المستشفي فكر إنه ممكن يقعد معاها لحد ما تنام وبعديت يروح ل الاء
مالك:ماشي موافق بس بشرط
كريمة:ابتدينا اشرط وخلصني
مالك:تطبخي لي بإيدك يا كوكي زهقت من أكل المطاعم
كريمة:من عنيا يا عيون كوكي
كريمة عملت لمالك الأكل ومالك ساعدها واتعشوا سوا وبعد ما كريمة نامت مالك لبس بسرعة وراح ل الاء
🌲🌲🌲🌲🌲🌲🌲🌲🌲🌲🌲🌲🌲🌲
Alaa Mohamed
🌲🌲🌲🌲🌲🌲🌲🌲🌲🌲🌲🌲🌲🌲
في إيطاليا
في منزل نرمين وأحمد
أحمد لنرمين:انا مسافر كام يوم لو عاوزة حاجة الحراس واقفين برا أطلبي منهم اللي أنتي عايزاه
نرمين:ماشي
أحمد:مفيش ترجع بالسلامة
نرمين:لا مفيش
أحمد اتعصب وخد شنطته وخرج
نرمين بعد ما مشي:عايز يضربني ويهني وكمان اقوله ترجع بالسلامة وأكون سعيدة و مبتسمة😒
نرمين سمعت حاجة اتحدفت علي شباك المطبخ فعرفت إنه أكيد جاسر راحت بسرعة المطبخ وفتحت الشباك وجاسر نط من شباك نعمة لشباك مطبخ نرمين
جاسر:ايه مشي
نرمين:ايوه
جاسر:تمام انتوا لازم تسافروا مصر النهاردة
نرمين:نسافر طب ازاي الحراس برا والكاميرات في كل حتة هنخرج ازاي
جاسر:مفيش حل غير ننط من الشباك وشاور علي شباك المطبخ
نرمين بصدمة عايزنا ننط من شباك المطبخ أنت مجنون
جاسر:مفيش حل تاني وبعدين المسافة مش كبيرة كلها متر ومتخافيش أكيد مش هسيبكم تقعوا يعني
نرمين:أمري لله
⛔Stop⛔
الحلقة خلصت أتمني تكون نالت إعجابكم
معاقة لكن أعشقها🖤
بقلم:Alaa Mohamed🖤
معاقة لكن أعشقها
الحلقة التاسعة عشر
أتمني تنال إعجابكم
في إيطاليا
في المساء
جاسر:بس قبل ما نخرج لازم نعمل حاجة
نرمين:ايه
جاسرجاب مليكانات شبه نرمين واسر واية ولابسين نفس لبسهم
جاسر:لازم نحط دول مكانكم علشان الحراس اللي بيراقبوا الكاميرات ما يستغربوش من اختفائكم ويشكوا في حاجة
نرمين:طب وهنعمل كده ازاي
جاسر: اولا روحي هاتي ايه وآسر هنا وبعدين انا هطلع واحاول اعطل الكاميرات لمدة خمس دقائق في الخمس دقائق دول هنكون حطينا المليكانات و هربنا
نرمين:طب ما هما لما يلاقوا الكاميرات اتعطلت هيشكوا
جاسر:لا متخافيش الجهاز ده هيبين لهم إن العطل من عندهم هما
نرمين اومأت رأسها بمعني ماشي وراحت جابت ايه وأسر وجاسر وسامح ثبتوا حاجة بين شباك نعمة ونرمين عبارة عن خشبة علشان يعرفوا يعدوا ويوصلوا لشباك نعمة سامح اخد الولاد وعدي بيهم اما جاسر طلع وعطل الكاميرات وحط المليكانات ومكانهم ورجع الكاميرات وخرج هو ونرمين
في منزل نعمة
جاسر:احنا لازم نتحرك دلوقتي
نرمين:طب هنخرج ازاي والحراس برا
سامح:ما تخافوش سيبوا الموضوع ده علينا
نرمين هتعملوا ايه
جاسر وسامح لبسوا مسكات علي وشهم علشان ملامحهم مش تبان وفتحوا الباب وخرجوا
جاسر وهو متخن صوته شويه ولبس لبس واحد كبير:لو سمحت تعرف دكتور قريب من هنا علشان مراتي تعبانة وعايزة دكتور بسرعة
الحارس:لا يا حج مش عارف
وفي ثواني طلع جاسر وسامح بخاخات مخدر وخدروا الحراس ومن حسن حظهم إن أحمد مش مركب كاميرات علي الباب
بعد ما خدروهم أخدوا نعمة ونرمين والولاد ونزلوا وراحوا المطار
في مطار روما
جاسر:أول ما توصلوا مصر هتلاقوا عربية هتوصلكم القصر وأنتي يا حجة نعمة تقدري تقعدي في شقتي لحد ما تشوفي مكان تقغدي فيه
نعمة:والله يا ابني ما عايزة اتقل عليك
جاسر:لاء متقوليش الكلام ده أنتي ليكي فضل كبيير بعد ربنا طبعا في إننا نوصلهم
نعمة:لا يا أبني لا فضل ولا حاجة ده واجبي
سماح:يلا قبل ما الطيارة تفوتكم
نرمين لجاسر:مع السلامة وأرجوك طمني وخلي بالك من نفسك أخمد أول ما يعرف مش هيسكت
جاسر:ما تخافيش المهم أنتوا توصلوا بالسلامة
نرمين ونعمة والولاد أسر وأية دخلوا علشان يركبوا الطيارة بعد ما مشيوا
سامح:يلا بينا
جاسر:مش عارف ليه قلبي مش مرتاح
سامح:ما تخافش رجالتنا معاهم ولو حصلهم حاجة هيبلغونا
جاسر:ربنا يستر علي اللي جاي
سامح وجاسر طلعوا من المطار ليبدأوا خطوتهم القادمة
🌿🌿🌿🌿🌿🌿🌿🌿🌿🌿🌿🌿🌿🌿
✍Alaa Mohamed✍
🌿🌿🌿🌿🌿🌿🌿🌿🌿🌿🌿🌿🌿🌿
في المصحة
شادي:اااااه مش قادر خرجوني من هنا
حسن بيتكلم بصعوبة ومش قادر يستحمل بس بيحاول يبقي قوي:لاء يا شادي لازم نستحمل لازم
شادي:مش قادر همووووت
الدكاترة جايين وهما بيجروا لما سمعوا صوت صراخ شادي
الممرضين مسكوا شادي علشان يدوه مسكن للألم وبعد ما أخد المسكن سيطر عليه النوم ونام
الدكتور لحسن:أنت كويس
حسن اومأ برأسه بنعم
الدكتور:ياريت تفضل مستحمل كده
كده هتخف أسرع لو أخدت مسكن مش هيفيدك وهتخف ببطء لازم تتغلب علي نفسك
حسن اومأ له برأسه بكلمة نعم
الدكتور: بالشفا إن شاء الله
بعد ما خرج الدكتور
حسن طلع حبوب كانت معاه وبلعها قبل ما حد يشوفه
حسن فلاش باك
قبل ساعتين حسن كان في الحمام وبيرجع وكان بيتوجع كان بينهار وبيعرق بطريقة رهيبة في الوقت ده دخل عليه ممرض
الممرض:ايه ده مالك شكلك تعبان أوي وقرب من ودنه وبهمس أمسك الحباية دي وهتبقي كويس
حسن اخدها منه وبلعها وهدي
