منتصر جري وراه بسرعه عايز يحصلو بس طلع في اول تاكس وملحقهوش
منتصر وقف وهو بينهج وقال بزعيق….هجيبك يا وسخ مش هعديهاااا
الكل كانو في حالة زهول وعصران كان واقف مش بينطق وهيتجنن من اللي حصل
ومنتصر نادى لاخته وقال..يلا بينا يا نيره …انا اصلا غلطت اني جبتك معايا
وبص لسهيله بخيبة امل وهو بيفتكر كلامها وقال..يمكن غلطت اني جيت اصلا
سهيله نزلت عيونها في الارض وعدي قال بسرعه …افهم بس استني هنتفاهم يا منتصر لو سمحت منت…
بس منتصر مشي ومسمعهوش
عصران قعد على اقرب كرسي بزهول وهو مش مصدق اللي عملو لؤي مع ضيوفه وضم ايده بتوعد وعيونه بتشع نار
اسيا بلعت ريقها وبصت لعدي بارتباك لانهم لسه مقالوش لعصران على موضوع اكمل… وبقم يبصو لبعض بخوف وقلق
عند اكمل كان قاعد عند قبر مكتوب عليه اسم …المتوفيه سعاد حمدان
ابتسم بسخريه وهو بيتأمل اليافطه وقال…مساء الخير يا سوسو…ياترى اخبارك ايه دلوقتي مش عارف اتمنى انك تكوني بخير ومش قادر احس انك بتتعذبي…من زمان نفسي اسألك سؤال ديما على بالي..ياترى انبسطتي قد ايه في دنيتك لدرجه انك تبيعي اخرتك وتبيعي ابنك….مبسوطه دلوقتي…مبسوطه لما روحتي وسبتي حته منك تتعذب بكلام الناس….٢٧ سنه وانا مزلول بكلمة واحده..ابن حرام
وابتسم بسخريه وقال…والي قاهرني انو مش ظلم..انا فعلا كده…ان شاء الله مرتاحه دلوقتي
وحط ايده على القبر واتحولت ملامحو لغضب رهيب وقال..بس انتي مش بس خلفتي عيل ابن حرام….لا ..انتي خلفتي شيطان على الارض بكل معنى الكلمه …انا جيت احتفل معاكي ..باركيلي… شيطانك الصغير هيبات في فرشة ابوه انهارده…ايوه يا سوسو…ابنك اثبت قدام الكل انو من دم عيلة الانصاري…وهدفعهم كلهم تمن الدم اللي اترمى السنين دي كلها
ووقف ورفع ايده يقرى الفاتحه بس نزلها وقال…معتقدش هتنفعك كتير …بس متقلقيش ديما بدعيلك ان ربنا يشيل من على كتافك ذنبي…انا مسامحك فيه…كفايه اللي انتي شيلاه
اتنهد وهو بيبص للقبر بحسره وقال…صحيح الحياه ميزان و اللي فوق انهارده بكره تحت .. و انا دلوقتي كفتي تقلت ورايح أعيش.. هما عاشو ٢٧ سنه كنت انا بموت كل يوم فيهم…دلوقتي انا هعيش…ووعد هيموتو كل ثانيه
قال كده وطلع من المقبره و عيونه بتلمع بغضب شديد رغم الدموع المحبوسه فيهم
اتنهد ووقف ياخد نفس في الهوا يمكن يرتاح
عند لؤي كان ممدد على سرير في عيادة دكتور
والدكتور ابتسم وقال…لا نهدى اكتر من كده يا دكتور لؤي التوتر ده غلط على اعصابك
لؤي قعد بغضب وقال… اعصاب ايه ونيلة ايه بقولك الموضوع اتطور بقى يقرف انا حالا هربان من البيت كانت عندنا ضيفه اول مره تزورنا وعملت كده معاها قربتلها و…و….انا حتى اللفظ مش بقدر اقوله
الدكتور قال بسرعه وبساطه…اتحر*شت بيها
لؤي قال بغضب..ومالك بتقولها بأريحيه زي ما تكون بتمدحني كده..اسمع يا دكتور انا بقالي سنه بتعالج عندك ومفيش اي نتيجه…انا من يومين كنت في القسم كنت بدي واحده الحقنه وبرضو اتسفلت عليها..وانهارده اشتغلت معايا واحده برضو سابت الشغل زي غيرها انا اصلا مش عارف اشتغل من التوتر بقيت اخاف ان تيجي اي بنت الصيدليه ناقص اكتب عليها للذكور فقط
رواية شيطان في بيتي بقلم زهرة الربيع حصريا للصفحه الرسميه للكاتبه زهرة الربيع
الدكتور اتنهد وقال ..طب ايه رأيك بلاش تروح الصيدليه اصلا
لؤي قال بغضب..مروحش ازاي هتستت واقعد في البيت ولا ايه ..ايه الكلام ده
الدكتور اتنهد وقال..خلاص لقيتها..اكتب يافطه على الصيدليه انك مريض ومش مسؤل عن اي حاجه تحصل
لؤي وقف وقال بعصبيه…. ما اكتب مجنون احسن وممنوع الإقتراب …انت بتقول ايه …. عايز الناس تفتكرني اتجننت
الدكتور قال بسرعه..مهو لما تبقى مجنون احسن ما تبقى متحر*ش
لؤي بصلو بغضب وغيظ من كلامه وقال ..يعني انا بقالي سنه بدفعلك فلوس وعلاج وجلسات وريلاكس واركب تاكس …علشان يا ابقى مجنون يا ابقى متحر*ش.. ده اخرك صح
الدكتور قال بنفس البساطه…. الله ينور عليك
لؤي مسكو من قميصه وقال..بغضب ..الله ياخدك ..انت حد مسلطك عليا …حد قلك روح شلو وليك الحلاوه
الدكتور قال بتوتر..اعصابك با لؤي بيه ..اعصابك اهدى
قال بغضب…. انا كده هادي …هادي جدا ده انا لسه هكسر المكتب ده على دماغك.
الدكتور قال ..وانا اعملك ايه هو الموضوع محتاج وقت ..وبعدين انا اكتر واحد عايزك تخف انت كل ما بتيجي هنا بتطفشلي المرضى
لؤي بصلو بغضب وقال….بص انا ماشي واخر مره هاجي هنا لو حتى هتحبس في البيت مش هجيلك تاني…. راجل مستفز
قال كده بغضب وطلع وهو بيقول للمرضى بزعيق… محدش يدخل عنده..ده هو اللي محتاج يتعالج اصلا
الدكتور طلع جري وراه وهو بيقول..يا لؤي بيه اهدى ارجوك..هنكمل الجلسه يلا معايا ارجوك
كانت فيه بنت جميله واقفه وقالت..هو فيه ايه يا دكتور
لؤي بصلها بغضب ولسه هيتكلم اتغيرت نظرتو وبصلها بوقاحه وقال..ابدا القلب خالي… والضغط عالي
وقرب منها بس الدكتور سبقو وشدو بسرعه وقال…ده انا اللي ضغطي علي منك… اتلم بقى هتحبسنا
واخدو تاني على المكتب ولؤي كان ماشي معاه وهو بيغمز للبنت وبيصفر بوقاحه
في القصر كان صفوان رايح جاي بغضب وبيقول..انا مش عارف اعمل ايه هتجنن ..هتجنن خلاص .. ايه اللي حصلو من امتى بقى كده ..ده …ده كان احسن واخد وملوش في السفاله دي ولا كان يرفع عينو في اي واحده ومتمسك ومحافظ على صلاتو ..ازاي بقى كده..ازاي
عدي قال بارتباك…. اهدى يا بابا …يمكن تكون البنت فهمتو غلط او
قاطعو وقال بسرعه..لا لا مفهمتش غلط… انا اول امبارح شوفتو بعنيا بيعاكس الخدامه..الخدامه تخيل…انا بقيت مش عارف اسيطر على البيت ده… ادي عريس البنت طار والباشا داير يعاكس في اي حاجه مؤنث والسلام …وكلو كوم واللي اسمو اكمل كوم تاني مصر بتدخل في الاداره الحقير عايز يخسرني تعب السنين كلو..مش عارف فاضل ايه تاني… اصلا مفيش مصايب اكتر من كده مفيييش
اسيا وعدي بصو لبعض بتوتر وقلق واضح
عصران بصلهم بشك وقال..اشجوني انا عارفها النظره دي طبعا مهو مينفعش يكون فيكم واحد عاقل وميجبليش مصيبه عاملين ايه انتو كمان
اسيا قربت منو وقالت بتوتر..انا عارفه انك مش في وضع تتحمل فيه مشاكل كمان..بس الموضوع ضروري وميتأجلش
عصران اتوتر اكتر وقال…فيه ايه ما تنطقو سيبتو رجليا
بس قاطعهم صوت اكمل لما قال…انا اقولك يا عصران بيه
عند سهيله كانت في اوضتها وقفلت الباب بالمفتاح واتصلت على علي وقالت..ايوه يا علي…الحقني العريس جيه انهارده
وسمعتو شويه وقالت بغضب..ما انا عملت كده يا علي وقلتلو اني مش عيزاه..بس..بس خايفه يقول لبابا…انا مرعوبه انو يحكيلوا
وسمعتو تاني وقالت….طيب..طيب ههدى وهستنى اشوفو هيعمل ايه الاول…بقولك ايه انا متوتره جدا اليومين دول وعايزه حبايه تاني…حاسه بصداع شديد يا علي ومش عارفه اذاكر ولا افتح كتاب
وسمعتو شويه وقالت…ايه المكان ده اجيلك هناك يعني…بس انا اول مره اروح هناك
وسمعتو شويه وقالت…طيب بس تبقى مستنيني انا بخاف ما اروح أماكن معرفهاش ..حاضر حاضر هجيلك انهارده
عند لؤي خرج من عند الدكتور وراح على حاره شعبيه كده وكان بيبص للاماكن باستغراب كانت مناظر غريبه عليه
واحد على عربية فول وناس بتشتري وناس بتبيع قلع النضاره وبقى يبص للبيوت بتوتر وفجأه اتقلب عليه شلال ميه غرقه
شهق بزهول وبص لفوق بدهشه لقى واحده في البلكون بتقول..معلش يا سي الاستاذ يوه يقطعني لامؤخذه مش متعودين ان ناس نضيفه بتعدي من هنا
لؤي قال بغضب..وهو لو حد مش نضيف تدلوقي عليه ميه عادي كده…ايه الاستهتار ده
الست قالت بردح…..الاست ايه…لا بقولك ايه انا قولتلك معلش متخلينيش ادهالك في الوش ..انت متذرذر ليه دي حتى مية مطبخ مش حمام
قال بغضب وعصبيه اكبر…..وجايه على نفسك ليه ما تدلوقي ميه الحمام ولا اقولك اعملو الحمام من البلكونه على الناس احسن واسرع
الست زعقت فيه وقالت..ما قولنا خلاص هناخد اليوم ولا ايه
لؤي بقى يشم هدومه بقرف وقال..مية ايه دي الهدوم بقت مقرفه
قالت بسرعه..متقلقش دي مية كرشه اقف في الشمس شويه هتمشي.
قال باستغراب..ايوه مقولتيش ميه ايه يعني
الست قالت ..يوه ما بقولك كرشه ..كرشه.. يعني مصارين بطن العجل
لؤي اتسعت عنيه بزهول وقال..ايه…ايه القرف ده
طلع راجل لابس فنله وكرشو كبير وقال..في حاجه يا وليه
الست قالت…. اه الراجل ده جات عليه الميه ومش عايز يلمها على خير
لؤي ضحك وقال..طب ما اهو العجل جمبك حي يرزق امال جبتي بطنو ازاي
الراجل قال بغضب …عجل …انا عجل…طب استناني لو راجل نازلك…. ولا يا حمو تعالى يلا هنتخانق
لؤي قال بزعيق ..انزلي مستنيك اهوه ..هو انا بخاف انزلي لو راجل
و
بس قطع كلامو لما سمع صوتها من وراه قالت بصدمه..هو مين اللي ينزلك انت ايه الي جابك هنا الله يخرب بيتك
لؤي مسك فيها بسعاده وهو مش مصدق انو لقاها وقال بخوف..فرحه الحقيني نازلين يضربوني
عند اكمل بص لعصران وقال باستفزاز …كل المشاكل لازم تلاقيني وراها..يعني بص لاي مشكله تعدي عليك هتلاقيني سببها حتما ولا بد… انا عنيا ليك يا عمي
عصران بصلو بخنقه وقال…. انجز وقول فيه ايه..انا مش فاضي للهري زي سيادتك
اكمل ابتسم وقال ببساطه..ابدا… ابنك الحليوه مضالي على ورقه على بياض وهما خايفين اني لاقدر الله يعني احط فيها مبلغ تعجيزي يحبسو …بس انت عارفني انا وش ذلك برضو… قولهم كده انهم ظالميني
رواية شيطان في بيتي بقلم زهرة الربيع حصريا لصفحة الكاتبه زهرة الربيع
اتسعت عيون عصران وبص لابنه بصدمه وعدي نزل عيونه في الارض بتوتر وحرج
عصران نطق بالعافيه و قال….اللي …اللي بيقوله ده صحيح…مضتلو ازاي..وليه اصلا
عدي لسه هيرد اكمل قال بسرعه….لا متخافش عادي كنا بنلعب لعب على الفلوس وعلى البيت
وضحك وهو بيبص لاسيا وقال..ولعب على مزتو كمان…بس انا راجل حقاني عارف ان البيت مش ملكو وان ايسو كمان مش ملكو..بس كحفظ حق يعني مضتو على الورقه دي.. متقلقوش انا لسه مقررتش هعمل بيها ايه بس اول ما اقرر هبلغك
وغمز لاسيا وقال بوقاحه ….انا خلاص جبت حاجتي قاعدلكو هنا انا ها…ابقي شقي عليا اخر الليل اصلي بتعب واهو ينوبك ثواب
عدي بصلو بغضب وقال..خليك بعيد عنها بتقولها ايه
اكمل ضحك بسخريه وقال…بقولها طول ما الشيك في جيبي …هتبقى حظي ونصيبي
وطلع وهو بيضحك على منظرهم واسيا كانت بتبص لطيفه بحقد وعصران داخ جدا ووقع على الكرسي
اسيا صرخت وجربت عليه هيه وعدي وبقم يشربوه ميه ويحاولو يفوقوه
اكمل طلع اوضة ابوه وهو مروق على الاخر وبيبص للاوضه بسخريه
جات عينه على صورة والده على الحيط ابتسم وقال…اهلا يا ..يا …ماهر بيه باين …والله كان نفسي اقولك وحشتني بس للاسف معرفكش علشان توحشني وللصراحه ولا زعلان على قلة معرفتك
ولف الصوره للحيط وقال…خليكك كده وشك للحيط قفاك ليا يا نور عنيا
وبقى يطلع هدومه بس جالو تليفون رد وقال…جوجو وحشتيني كنت لسه هرنلك
وسمعها شويه وقال..لا خلاص شقة ايه انا انتقلت…روحت حته هتعجبك..من هنا ورايح مش هنتقابل غير في بيتي الجديد..اصلو مبني من زمان اوي ومحتاج تنجيس
وضحكو وقال…. على تليفون يا موزه هقولك تجيلي امتى
وقفل معاها لما جالو تليفون مهم رد وقال….نعم ارغي
وسمعو شويه وابتسم بشر وقال…ممتاذ يعني حسيت انها بقت تعوز الحبوب وبتستناها
وسمعو شويه وقال…برافو يا علوه متقلقش هروقك على الاخر بس عايزها تجيب اخرها بمعني تعمل اي حاجه علشان تاخد نص حبايه بس فهمت..دي شغلتك طبعا
وسمعو شويه وقال بحماس …..اوبا جيالك على المكان وافقت يعني…طب اسمع بقى هبعتلك رساله باللي هتعملو معاها بالظبط تنفذو بالحرف وووو
#الحلقه_الرابعه
المهم عايزها تترجاك على حبايه يعني تدمن بالكامل وتعمل اي حاجه علشان تاخد الجرعه فاهمني..وبالنسبه للمقابله انا هقفل وابعتلك مسج تقراه كويس وتنفذو بالحرف..ومتنساش تحذف الرساله سمعت
وسمعو شويه وابتسم وقال..ايوه كده شطور يا علوه يا ابن الست الحلوه
وقفل معاه وكتب رساله وبعتهالو ولسه هيروح ناحية الدولاب اتفتح الباب ودخلت اسيا بغضب رهيب
اكمل اتنهد وقال بضيق…نعم خير ..جايه تباركيلي برجوعي بيتي
قالت بغضب شديد..عمك تعب وجبنالو الدكتور يا رب تكون مبسوط
ابتسم باستفزاز وقال..والله كان بودي اقولك لا ..بس انا مبسوط..وجدا كمان..بس مش هبقى مبسوط لو خدها من قصيرها ومات
كتفت اديها وقالت بغضب مكتوم..طب كويس والله طلع عندك دم وبتحس
اكمل ضحك ببرود وقال..لا للاسف معنديش…بس هزعل انو مات بسرعه كده ومسابليش فرصه اتشفى فيه
اسيا بصتلو بغضب رهيب و حاولت تهدى واتنهدت وقالت ..طيب..خلينا نتكلم بهدوء يا اكمل…انت مضايق من عمي…على اساس انو ظلمك وحوراتك دي وطبعا من الظلم انك بتعاقب ابنه معاه بس هلاقيلك مبرر بارد واقول انك حابب تعاقبو في اولادو..انما انا..انا مش بنتو ومعملتش حاجه تستدعي اني اتجوز وسخ زيك..انت شايف اني استاهل اتعاقب العقاب ده
اكمل ابتسم ابتسامه جانبيه وقرب منها وقال…شوفي يا اسيا لما بيكون في ضفتين حوالين اي نهر بيبقى لازم فيه جسر صغير يربط ما بينهم ويوصلنا للضفه التانيه…يعني علشان نوصل لازم نستخدمو وندوس عليه كمان لانو بيبقى وسيلة العبور الوحيده …عمرك مره خدتي بالك لمشاعر الجسر ده وياترى حاسس بايه واحنا كل مره ندوس عليه بس علشان نعدي للبر التاني
اسيا كانت بتبصلو باستغراب وهو كمل وقال..اهو انتي الجسر ده..الي هيوصلني للي انا عايزه.. قدرك بقى تبقى هنا..وانا قدري اني ملاقيش وسيله غيرك
قال كده واتجاهل وجودها وقلع تيشرته وبقى يطلع هدومه من شنطته
اسيا قالت بسخريه…انت فاكر بالحركه دي هتكسف واطلع جري بقى ريح نفسك مش بتكسف غير من الرجاله
اكمل ابتسم بخبث على كلامها والتفت لها وجذبها من شعرها وبا،،سها بقوه في ثواني قبل حتى ما تستوعب عمل ايه
بعد عنها وهيه بتبصلو بصدمه وعيونها مفتوحين على اخرهم وقال …الرجاله افعال وانا بتاع افعال وبس يا بنت عمي ..ولا تحبي اناديكي حببتي بما اننا هنتجوز
اسيا دفعتو بقوه وهيه بتبصلو بزهول وقالت بزعيق..انت..انت عملت ايه يا حيوااان يا وسخ
اكمل ابتسم وبقى يطلع هدومه من الشنطه بلامبالاه وقال… يا ريت نحترم بعض علشان نعرف نعيش مع بعض
اسيا كانت في قمة الإنفعال ومش حاسه بنفسها قالت بغضب رهيب….احترم مين يا معفن احترم واحد سا،،فل ووسخ زيك…لكن انت هتطلع متربي ازاي وانت تربيه واحده رقاصه سا،،قطه وو،،سخه
اكمل التفت لها بحده و ضم ايده بغضب رهيب وقال..اسيا ..اخرجي حالا
قالت بغضب وزعيق ولو مخرجتش ها….هتعمل ايه..مضايقك قوي كونك واحد ابن حرام نتيجة غلطه بين واحد سكران وواحده ساقطه …اعرف قيمتك انت اخرك تمسح مكان جزمتي مش تتجوزني
اكمل كان كلامها بيدبحه والغضب بان على ملامحه وقال بحده…اسيا قولت اخرجي من هنا احسنلك
اسيا قالت بغضب اشد ….مش هخرج وهقول الي انا عيزاه انت هتعيش وتموت كلب البيت ده ومش هنعترف بيك ونجوم السما اقربلك من انك تتجوزني انا يستحيل اتجوز واحد تربية شوارع واصلاحيات و
لكن قطعت كلامها بصرخه لما ضربها قلم قوي جدا وقعت على الارض
شيطان في بيتي حصريا بقلم زهرة الربيع
عند فرحه اتصدمت لما لقت لؤي في الحاره وفيه ناس نازله تضربو قالت بزهول..انت عملت ايه الله يخربيتك انت لحقت… تعالى معايا
لؤي قال بسرعه..معملتش حاجه دول ناس مجانين والله
فرحه قالت بضيق وسخريه…. ايوه ما انا عارفه انك غلبان والناس هيه اللي بتيحي عليك
ولسه هيتحركو نزل الراجل ومعاه اتنين زي الحيطان وقال…العيل ده يلزمك يا دكتوره
لؤي أول ما شافهم وقف وراها وقال ….اه ..اه طبعا تبعها ….وهمسلها بخوف وقال….قولي حاجه ابوس ايدك
قالت بهمس من بين اسنانها…واساعدك ليه نسيت اللي عملتو في الصيدليه يا مهزأ
لؤي قال بقلق…حقك عليا …كانت غلطه هنتكلم والله بس اتصرفي ارجوكي
فرحه اتنهدت وقالت..اه يا معلم شبراوي..تبعي معلش هو دكتور لؤي مش من هنا ومش بيعرف يتعامل كويس حقك على راسي انا امسحها فيا
الراجل بصلها بمعاكسه وقال..علشان عيونك بس…. ولو اني كنت هموت واسلخه واعلقه… اصلي مش دابح انهارده
لؤي قال باندفاع…. تعلقني ليه كنت جلبية ابوك
شبراوي بصلو بحده وقال ….قولت حاجه يا حليوه
لؤي قال بسرعه وخوف…بقول ربنا ياخد اللي يتعبوك يا معلم
شبراوي قال..اه بحسب ….ومشي هو واولاده
فرحه اتنهدت بارتياح وقالت…وانت تاخد بعضك وتمشي حالا من هنا يلا كفايانا مشاكل
ومشيت من قدامو وهو مشي وراها وهو بيقول…فرحه انسه فرحه..انسه فرحه اسمعيني ارجوكي… انا جاي المشوار ده كلو علشانك
وفضل طالع وراها على السلم وهو بيقول…انا اسف..انا اكيد مقصدش اعمل كده..والله انا متربي كويس وعمري ما بعمل حاجه غلط
فرحه قالت بضيق وسخريه وهيه طالعه السلم…. اه ما انا عارفه انك متربي بامارة السفاله اللي عملتها في اول يوم شغل ليا..واحد وسخ…بس انا فهماك انت اصلا عايز تطفشني بس كنت تقدر تقولي كده في وشي و
بس سكتت لما سمعتو بيصفر التفتت وراها واتسعت عنيها بدهشه لما لقت واحده جارتهم نازله وهو نزل وراها وبيصفر ويقول بمعاكسه…اخرك ايه ..يا كريم شانتيه
فرحه اتصدمت ولطمت على خدودها وقالت..يا انهار اسود …دكتور لؤي
ونزلت جري وراه
لؤي كان ماشي ورا الست وبيعاكس وهيه وقفت عند باب شقه وقالت بضحك..اخري هنا يا حليوه دي شقتي ..تعالى نروقك وسحبتو من قميصه وهيه بتضحك بصوت عالي
لؤي اتسعت عنيه بصدمه لما خد بالو للي عملو وقال…لا..لا افهمي حضرتك انا غلطان في العنوان ….فرررررحه الحقيني يا بت
فرحه كانت نازله جري وراه بس كانت الست قفلت الباب ضربت رجلها على الارض بغيظ وقالت..الله يخربيت فرحه بقى…خليك عندك لحد ما يلموك معاهم ده تمامك اصلا
لؤي دخل المكان وبيبصلو باستغراب اتفاجأ بستات كتير وشباب والمكان واضح جدا انو مشبوه بلع ريقه بارتباك وقال…طبعا انا لو حلفتلك اني عيان مش هتصدقي
ضحكت بقوه وقالت….هييييهييي انا كمان عيانه…كلنا هنا عيانين
لؤي قال بيأس..اممم…مصدقتيش
اما عند سهيله اطمنت على ابوها بعد ما فاق وهدي واتأكدت انو نام وخرجت من غير ما حد يشوفها وهيه حاسه بصداع رهيب
ركبت عربيتها وطلعت على اول الشارع كان على مستنيها ركب معاها وقال…وحشتيني يا سوسو
ابتسمت وقالت..انت اكتر يا علي
على اتنهد وقال..انا مبقتش اقدر على بعدك ونفسي قوي يجمعنا بيت واحد
ابتسمت ونزلت عيونها بكسوف وقالت…انا كمان ….بس الموضوع بقى في ايدك يا على انا مشيت العريس الي كان متقدملي وقولتو اني بحب حد تاني… تعالى بقى انت اتقدم لبابا…. انا مش مبسوطه خالص اني مخبيه موضوعك عن اهلي وبقابلك من وراهم انا عمري ما عملتها
علي ابتسم وقال…. قريب يا قلبي هفاتح اهلي في موضوعنا متقلقيش..
سهيله ابتسمت وقالت..طب يلا اديني حبايه خليني اروح بابا تعبان انهارده
علي ابتسم بخبث وقال..حاضر يا قلبي بس هنعدي على الصيدليه الي بجيبه منها لانه خلص …يلا اطلعي
سهيله قالت بارتباك ….طب هنتاخر انا مقولتلهمش اني هخرج
على ضحك وقال..يا بنتي هو انتي عيله يلا اطلعي بقى ادينا بنتكلم انتي وحشاني قوي
سهيله ابتسمت بحب وطلعت بالعربيه معاه
عند اسيا كانت مصدومه جدا ومش مصدقه انو ضربها بالطريقه دي كانت بتبصلو بزهول وبس
اكمل كمان محسش باللي عملو من كتر الغضب وفاق لنفسو لما وقعت بالشكل ده قرب منها فورا وقال…قومي معايا ..انا مكانش قصدي…. ومد ايده وهو بيوطي يقومها
بس اسيا دفعتو بعيد عنها وقالت بغضب…خليك بعيد عني وحطت ايدها على شفتها اللي بتنز،،ف وقالت….حيوان ..ومحتاج معاملة الحيونات و بس مينفعش تعيش وسط البشر وطلعت بغضب شديد من عندو
اكمل كان جواه غضب يهد الكون وكلامها بيتكرر في ودانو نزل صورة ابوه وكسرها على الارض وبقى يضرب البروز برجليه وهو بيقول بزعيق…مبسووووط…حاسين بالي بسمعه شايفين عملتو فيا ايه…وقعد على السرير وهو بينهج وقال..هدفعكم التمن كلكم هتدفعوه
اسيا طلعت وهيه بتمسح دموعها وشفتها بغضب
وقف قدامها عدي وقال…اسيا بابا كان بيسأل عليكي عايزك و
بس قطع كلامو لما شاف حالتها بصلها بزهول وقال…ايه الي عمل فيكي كده
اسيا قالت بتوتر…عادي يا عدي اتخبطت في باب الحمام و
بس قاطعها و قال بغضب شديد…هو مش كده…هطلع روحه المرادي
وراح على اوضة اكمل بغضب شديد…. واسيا بقت تجري وراه عايزه توقفه
حصريا بقلم زهرة الربيع
عدي دخل بغضب ومسك اكمل من تيشرته وقال بزعيق ..انت اللي ضربتها
اكمل بص لاسيا يمين وشمال وقال ببرود…اه الحمد لله انا
عدي بصلو بغضب وشدد من مسكتو ليه وقال بحده..انت جنسك ايه يلا لو كنت راجل مكنتش تمد ايدك على واحده ست يا زبا،،له
اكمل زق ايده بغضب وقال..انا مش عايز ابقى راجل انا عايز ابقى من صنفكم اللي لحد دلوقتي متحددش نوعه…انا عشت ٢٧ سنه في الزل وانا راجل…والاوساخ اللي زيكم غرقانين في النعيم
عدي قال بغضب..الاوساخ اللي زينا دول اللي هتموت وتبقى منهم يا حقود وعمرك ما هتقدر اخرك تحلم
