شمسى وقمرى بقلم زهرة الربيع الاول

عمر قال…هيه رفضت بتقول..انها حاولت كتير تقولها انو بيتهجم عليها وهيه رافضه انها تسيب الشغل علشان الفلوس
راغب قال..تمام لنفترض ان كل الي قالتو صح هيه قاعده معاك باي صفه مدام شريفه قوي كده وليه جبتها هنا من غير ما حد يعرف ليه مخبيها اصلا

عمر قال…البنت غلبانه اوي يا راغب وانا كنت ماجر لها مكان قاعده فيه لوحدها وكل فتره كنت بطمن عليها بس لما انت اصريت اني اجي جبتها معايا في الصندوق مكنتش اقدر اسبها لوحدها ولا اقدر اخلي حد يعرف بوجودها… اصلها

راغب بصلو بانتباه اكتر وقال…اصلها ايه قول الي فيها

عمر قال..اصل بصراحه كده الشاب الي ضربتو ده بلغ عنها انها كانت عايزه تسرق وحاولت تقتلو والبوليس بيدور عليها
راغب قال بزهول..يا انهار ابوك اسود
.هتجيب لنفسك مصيبه يا غبي..انت عارف ده اسمو ايه ده تستر على مجرم انت اهبل ايه الي يورطك الورطه السوده دي مش يمكن تكون كدابه وفعلا كانت هتسرق و

عمر قاطعو بعصبيه وقال…لا يا راغب انا شوفتها وهيه بتجري ومرعوبه وكانت حالتها صعبه بتتنفض من الخوف وهدومها متقطعه والعنف واضح عليها ..المسكينه بالعافيه هربت منو ..وانا قولتلك البنت ملهاش حد وانا مش هسبها ياراغب مش هسبها ابدا حتى لو هتحبس تمام

راغب بصلو بابتسامه وقال…بتحبها ولا ايه
عمر بلع ريقه بتوتر وشرب من قهوتو وهو بيهرب بعيونه وقال..ايه الي بتقوله ده البنت صغيره اصلا دي طفله…لا طبعا انا بس صعبانه عليا
راغب قال..امممم صدقتك انا كده..على العموم محلوله نروح لشاب ده ونتفاهم معاه ونخليه يتنازل بس

عمر بص بعيد وقال…احم..مش هينفع
راغب قال…اهااه انا كده خوفت لما بتمرجحلي عنيك رايح جاي كده بتقلقني بيجي بعدها مصيبه لا محاله انطق مش هينفع ليه

عمر قال بنفس الارتباك….لامو مش هيرضى..بص بصراحه كده الشاب ده يبقى ماجد

راغب بصلو بصدمه وقال..ماجد…ماجد الراوي
عمر قال..ايوه هو الحيوان بعد الي عملو معاها مصر يحبسها لمجرد انها رفضتو

راغب اتنهد ومسك دماغو وقال..هو انا كل مصيبه الاقيه قدامي..طيب بص انا الاول كنت شاكك في كلامها بس مدام بتتهم ماجد يبقى صادقه..لانو يعملها ويعمل ابوها انا عارفو واطي…خلاص انا هاتصرف في الموضوع سبهولي ومتقلقش
عمر بصلو بفرحه وقال..بجد يا راغب
راغب ضحك وقال بتريقه…يا عيون راغب…والله انت واقع وواصله معاك لاخرها ..عن اذنك هروح اشوف المجنونه الي فوق اصل دي متتسابش لوحدها ابدا

عمر ضحك وقال ليه عملت ايه تاني

راغب اتنهد وقال…هيه معملتش انا الي هعمل…وكمل بحزم وقال..انا هطلقها
عمر بصلو باستغراب وقال..ليه..مهمتها تمت ولا ايه

راغب اتنهد وقال..ولا تمت ولا زفت ليه ملمستهاش بس حاسس انها ابتدت تتعلق بيا انهارده كانت غيرانه من نانا جدا وانا مش عايز كده يفتح الله لا عايز احب ولا اتحب تاني ومش عايز اذيها تاني كفايه الي عملو ابن عمها هطلقها واخلص من الموضوع ده

عمر ابتسم وقال..قول انك خايف تحبها
راغب سرح شويه وفتكر عيونها ضحكتها وكل ملامحها بس فاق لنفسه وقال..بلاس هبل انا اتجننت علشان احب تاني ..سيبك من الكلام الفاضي ده انا هروح اريح عن اذنك
..راغب لسه هيطلع اتفاجأ بشده لماشاف اخر شخص يتوقع يقابلو وكان سلمان الصفتي والدو

راغب فضل واقف مكانو بصدمه حقيقيه وسلمان كان بيبصلو بدموع وقال…اذيك يا ابني

راغب بصلو بغضب وكره ومردش ولسه هيمشي سلمان قال..استني يا راغب..با ابني حرام عليك اديني فرصه اتكلم معاك

راغب وقف مكانو واتنهد بضيق بيحاول يتحكم في اعصابو وبصلو وقال ببرود…اتفضل..عايزني اسمعك…اتكلم سامعك

سلمان بصلو بدموع وقال..انا ابوك يا راغب ..ابوك يا ابني هتفضل زعلان مني عمرك كلو انا…انا تعبت يا راغب وعايزك جمبي يا ابني

راغب قال بجمود …خلصت…اقدر امشي دلوقتي

سلمان قال بزعيق. انت بتعمل معايا كده ليه..علشان مقدرتش استغنى عن شقى عمري..كنت عايزني اعمل ايه..استغني عن كل ما املك في لحظه كنت عايزني اخسر كل حاجه بسهوله كده

راغب ابتسم باستهزاء وقال…انت فعلا خسرت يا سلمان بيه خسرت كل حاجه …مبقاش حلتك حاجه ان شاء الله تكون انبسطت بالفلوس الي بعت ابنك ومراتك بيها ..بس انا بشكرك قدرت تعلمني درس حياتي..علمتني ان الفلوس تشتري اي حاجه وتشتري القلوب كمان عن اذنك وقتك معايا خلص انا دلوقتي وقتي مش ببلاش

راغب مشي وسابو واقف بحزن وألم شديد
عمر تتنهد بحزن وقال…متيأسش اكيد هيجي يوم وينسى
سلمان نزلت دمعه من عيونه وقال…مفيش حاجه هتتغير عمره ما هينسى بالعكس الوقت بيذيد من قسوة قلبو ربنا يحميه من نفسو

راغب طلع على البار وبقى يشرب بشراهه وهو بيفتكر اصعب لحظات حياتو
فلاش باك
في قصر الصفتي كانت منيره قاعده جمب سلمان بدموع وقالت…متزعلش يا حبيبي بكره ربنا يعوضك احنا صحيح خسرنا كل حاجه بس ربنا كبير وزي ما عملت الفلوس دي تقدر تعمل غيرها

سلمان بصلها بضيق وعيون مليانه دموع وقال..لا يا منيره ..لا ده شقى سنين..انا ازاي .ازاي ارجع على الحديده بعد ما كنت ملياردير..لا مش هقبل بكده ابدا واحمرت عيونه من الغضب وقال…كلو منها انا هوريها مش هرحمها

ولسه هيخرج جات عليه دي طبعا والده ماجد وقالت باستفزاز…انا جتلك لوحدي مفيش داعي تتعب نفسك

سلمان قرب منها بغضب وقال….انتي ازاي تعملي فيا كده ازاي تخدعيني وتخسريني كل حاجه ده احنا صحاب من سنين و

عليه قالت بغضب..لا يا سلمان…لا احنا مش صحاب..احنا عمرنا ما كنا صحاب…انت حبيبي يا سلمان انا بحبك بس انت فضلت عليا الزفت دي وانا حاولت انساك…حاولت واتجوزت وخلفت..بس..بس مقدرتش انساك..بس يا حبيبي كامل جوزي مات ونقدر دلوقتي نعيش انا وانت ونتجوز وانا هرجعلك كل فلوسك قولت ايه

سلمان اتحولت ملامحو لصدمه حقيقيه ومنيره كمان بس كان فيه الي متابع الحوار كلو وعيونه بتشع غضب ده طبعا راغب وكان عمره وقتها ١٥ سنه قال..اخرجي بره بابا مستحيل يتجوزك وانا هرجعلو كل فلوسو انا موجود بابا مش لوحدو اخرجي من هنا

عليه قالت..تمام ياحلو ابقى وريني ازاي هترجعلو فلوسة وانت يا سلمان انا هديلك وقت تفكر …تطلقها ونتجوز..وارجعلك كل فلوسك ده عرض ميترفضش

عليه مشيت وسلمان قعد على الكرسي بصدمه مش مصدق الي سمعو منيره قربت منو وقالت بدموع وصدمه…متزعلش يا حبيبي…اوعى تزعل نفسك..كل شيئ هيتصلح و
بس قطعت كلامها لما قال بدموع..انا اسف يا منيره

منيره ابتسمت ونزلت دموعها وقالت بتوتر..على..على ايه..يا حبيبي..ا
بس وقفت بصدمه حقيقيه اما قال بدموع.. انتي طالق يا منيره…سامحيني
بقلمي..زهرة الربيع
منيره كانت ساكته ودموعها بتنزل بغزاره اما راغب وقف وقرب منو وعيونه بتلمع بالدموع وقال..هيه يمكن تسامحك..بس انا مستحيل اسامحك..مش هسامحك ابدا..ابدا يا بابا
سلمان وقف قصادو وقرب منو وقال بدموع..يا راغب يا ابني افهمني انا

راغب قال.. اششش مش عايز اسمع منك حاجه اخرج بره حياتنا مش عايزينك لا انت ولا فلوسك الي بعتنا علشانها القصر ده قصر جدي واحنا هنفضل فيه غيره مش عايزين حاجه منك اخرج بره …واياك تفكر ترجع هنا
سلمان لسه هيتكلم منيره قالت بدموع…اطلع بره يا سليمان…اطلع بره
سليمان..اتنهد بوجع وخرج واول ما طلع منيره وقعت على الارض بانهيار شديد وبقت تبكي بكل قوتها راغب بقى يبكي اكتر منها ونزل لمستواها واخدها في حضنو وهو بيقول ببكا وشهقات عاليه..انا..انا معاكي..مش هسيبك يا ماما انا معاكي

راغب فاق من شروده على صوت بكاها الي لسه في ودانو شرب كاس دفعه واحده وحاول يقف مقدرش من كتر السكر…شرب بطريقه سيئه جدا بقى يتسند بالعافيه وصل اوضتو

اول ما فتح الباب كانت شمس لسه نايمه ولابسه بيجامه رقيقه جدا وشكلها كان رهيب زي العاده

راغب قفل الباب وقرب منها بسكر شديد ومشي ايده على جسمها وووووووو

10
راغب قرب منها بسكر شديد ومشي ايده على جس*مها ببطأ
شمس قامت مخضوضه وبحركه سريعه مسكت الفازا على الكمود بسرعه وضربتو بيها على دماغو

راغب صرخ بقوه وقال..ااااااه..ليه كده يا حيوانه..ااااه

شمس برقت بشده وبلعت ريقها بخوف وقالت..راغب…يا خبر..انا..انا اسفه والله..كنت..كنت فاكره حد غيرك يالهوي حقك عليا
راغب حط ايده على دماعو وكان بينز*ف قال بزعيق..انتي بتتفرجي عليا اجري هاتي علبه الاسعفات من الحمام اخلصيي

شمس قالت بتوتر..اه..صح…ثواني..وجريت وهيه بتلطم بخوف
شمس جابت العلبه وعقمت الجرح وضمضتو وقالت بارتباك..موجوع
راغب قال بضيق ..ويهمك في ايه اكيد مش هحبسك يعني
شمس قالت باستغراب..تحبسني..وتحبسني ليه بقى ان شاء الله
راغب قال..طبعا اقدر احبسك دي جنايه هو عادي كده تفتحي دماغي بالبساطه دي

شمس قالت..لا طبعا بس انت الي ابتديدت وبقيت تتحرش بيا الاول
راغب بصلها بعصبيه وقال..اتحرش بيكي كل ده علشان حطيت ايدي عليكي
شمس قعلت بزعيق..وتعمل كده ليه اصلا
راغب قال بعصبيه اكبر ذودت في الشرب ومش حاسس بعمل ايه و
شمس قالت بمقاطعه..شوفت يعني معايا حق كنت سكران يعني كنت ناوي
راغب بصلها بزهول وقال..اأ أيه يا اما انتي هبله يا بت انتي انا راغب الصفتي اقرب من واحده غصب عنها ويوم ما اعمل كده تكوني انتي يا جربوعه

شمس بصتلو باستهزاء وقالت..مش هرد عليك حاليا دماغك مفتوحه ومش في وعيك يا حرام.

شمس لسه هتمشي مسك ايدها وشدها عليه بحركه سريعه بقت في حضنه ركذ عيونه على عيونها وقال ..اول مره اكدب على نفسي انا فعلا كنت هعمل كده كنت هقربلك يا قاتل يا مقتول لاني هموت على قربك يا شمس بقيت حاسس انك عالم تاني نفسي اعرفو حاسس اني عمري ما عرفت بنات قبلك مع اني قابلت كتير لاكن انتي في حته لوحدك

شمس اتنهدت وقالت وهيه بتبصلو بتوهان…راغب…سبني لو سمحت

راغب قرب منها قوي وباسها بشغف وجنون و شمس استسلمت لمشاعرها معاه
بعد عنها وهو مغيب وقرب ولسه هيكمل شمس بعدت وقالت..لا يا راغب.ارجوك..انت سكران

راغب قرب منها وشدها لحضنه وبص في عنيها جامد وقال..انا فايق..فايق جدا…انا بحبك اوي…حاولت ابعد مقدرتش..مقدرتش

شمس اتصدمت بكلامو بس قلبها كان بيدق بقوه والسعاده بانت على ملامحها قالت …بت…بتحبني

راغب حضنها بقوه وبقى يقول ..اوي..اوي يا شمس بحبك..بعشقك يا شمس حياتي وتلاقت نظراتهم وتاهو في بوسه طويله متمكنه وكانت شمس بتبادلو بنفس المشاعر ووووووووو

بقلمي..زهرة الربيع
في صباح يوم جديد شمس كانت نايمه في حضن راغب وحضناه بشده
راغب فتح عنيه ببطأ حس بتقل على دراعو بيبص اتفاجأ بشمس نايمه على ايده بقى يبصلها باستغراب بس غمض عيونه بصدمه لما افتكر كل الي حصل و بعد عنها بسرعه

شمس صحيت على حركتو وقالت بنوم..صباح الخير
راغب اتوتر وبقى يبعد نظرو عنها وقال….صباح..الخير..هو… احم هو ايه الي حصل

شمس استغربت سؤاله اتعدلت وقالت…ايه الي حصل ..انت مش فاكر الي حصل

راغب بعد عيونه اكتر وقال…لا..لا مش فاكر حاجه..مش فاكر اي حاجه

شمس لاحظت نظراتو الي بيبعدهم عنها وقالت بالم…محصلش حاجه…ولا اي حاجه عن اذنك..وقامت ودخلت تستحمى وهيه مش مصدقه الي حصل

راغب قعد على السرير وضرب على دماغو بحزن وعصبيه وقال بدموع…غبي..غبي..راغب كان متعصب من نفسو لدرجه كبيره بس حاول يهدى وقال..وفيها ايه يعني..ده الي جبتها علشانو..زيها زي غيرها .انا معملتش حاجه غلط..معملتش حاجه غلط و بقى يقنع نفسو بكده

شمس اوا ما دخلت الحمام وقفلت الباب حطت ايدها على بقها وبقت تبكي جامد وكاتمه بكاها وصوت شهقاتها بايدها ومش مصدقه الي عملتو في نفيها ليه ضعفت قدامو كده ليه فرحت لما قلها بحبك الف سؤال ملهمش اجابه خدت دش وطلعت وهيه مش قادره تقف ومش مستوعبه االي حصل

شمس اول ما طلعت لسه هتكلم راغب بس مدهاش فرصه جري على الحمام بسرعه زي ما يكون بيهرب منها

شمس اتنهدت بالم وحست بوجع في قلبها وعيونها اتملت دموع

عند عمر صحي من النوم وكانت شهد لسه نايمه صحاها وقال..شهد قومي محضرلك مفاجاه

شهد فتحت عنيها بنوم وابتسمتلو باستفهام

عمر قال ..امم عايزه تعرفي مش كده
شهد قعدت وهزت راسها بايوه وهيه متحمسه جدا

عمر ابتسم وقال…بصي يا ستي راغب صاحبي الي كلمتك عنو يعرف الشاب الي كنتي شغاله عندو وهيخليه يتنازل عن القضيه هو وعدني ايه رأيك

شهد وقفت بفرحه وهيه مش مصدقه وبصتلو وعنيها بتلمع من السعاده وشاورت بعض الاشارت

عمر ضحك وقال..ايوه والله ما بكدب عليكي كلها كام يوم وتطلعي مكان ما تحبي وتخرجي وتتفسحي واتنهد بحزن وقال..ويمكن مقدرش اشوفك تاني

شهد ابتسمت لما شافت الحزن على ملامحو وقربت منو ومسكت ايده وشاورتلو بدماغها بمعنى شكرا

عمر ابتسم وفضل يبصلها وعيونه بتلمع وقال…العفو يا شهد انا الي المفروض اشكرك اجمل اوقات حياتي قضتها معاكي

شهد شاورتلو بمعنى وانا كمان
عمر ابتسم وقال..احنا هنفضل صحاب مش كده
شهد شاورتلو براسها بسرعه

عمر ابتسم وقال..طيب انا هنزل دلوقتي راغب عايزني

عند راغب خرج من الحمام وبقى يلبس بدلتو وهو بيتحاشى يبصلها ..شمس بقت تتابعو بعيون مليانه دموع واول ما لقتو هيخرج قالت..استنى. انت هتفضل تهرب كده كتير

راغب اتنهد وقال من غير ما يبصلها..وانا ههرب من ايه

شمس قالت..متعملش عبيط انت مش طفل يا راغب حتى لو ماكنتش فاكر الي حصل بنا اكيد الوضع الي فتحت عينك عليه انت فاهم ايه الي حصل قبلو

راغب بصلها وقال بقوه بيحاول يفتعلها..اكيد عارف..وفاكر كل حاجه كمان..والي حصل طبيعي وكان المفروض يحصل من اول يوم ..انا اتجوزتك علشان كده ودفعت فيكي كتير برضو علشان كده

شمس بلعت ريقها بوجع من كلامو وغمضت عيونهاوهيه بتجاهد علشان متبكبش وقالت…مش فاهمه ..انت مش فاكر قولتلي ايه

راغب فهم ان قصدها علشان اعترف انو بيحبها قال بجمود.الي قولتهولك بقولو لاي واحده قبل العلاقه اكيد مش هقولك نشرة اخبار في الوقت ده..

شمس بلعت ريقها بصدمه وقالت..بس انا…انا افتكرت انك ..
بس راغب قاطعها وقال ببرود..افتكرتي ايه..كنتي متخيله اني حبيتك مثلا… انا مقبلش بيكي خدامه عندي ده اخرك معايا

شمس نزلت دموعها وفضلت ساكته مش قادره تنطق وراغب كمل وقال…وبعدين المفروض تكوني فرحانه دلوقتي..اخيرا هتخلصي مني

شمس بصتلو بدهشه وكانت نفسها تقولو ميعملش كده وانها مش عايزه تبعد عنو بس كرامتها منعتها قالت بقوه مصتنعه ودموع مكتومه..وانا اصلا فرحانه…فرحانه قوي ياريت تخلصني بسرعه

راغب لبس نضارتو بيحاوا يداري الالم الي في عيونه وقال وهو خارج…اكيد هعمل كده في اسرع وقت…خلاص بقيتي كرت محروق عايز اخلص علشان اشوف غيرك

بقلمي…زهرة الربيع
راغب قال كده وخرج بسرعه وشمس وقعت على الارض بحزن وانهيار وبقت تبكي وقالت ببكا…كنتي مستنيه ايه يا غبيه..كنتي عايزه ايه يا هبله… وبقت تبكي بشده

راغب نزل وقعد على طاوله بيفك الكرافته بعنف حاسس انو مخنوق مش قادر يتنفس

عمر شافو بالحاله دي اتخض اتقدم عليه وقال..مالك ايه الي حصل