وتامر اتنهد بتعب وركب عربيته وطلع علي الشركة
بعد وقت كان وصل الشركة ودخل مكتبه بعد ماطلب قهوة
قعد يشتغل بهدوء وهو حزين علي حياته اللي بتبوظ وبيته اللي بيتخرب لحد مالقي ابوه داخل
تامر قام وقف .. اتفضل يابابا
…………………………………………..
في الفيلا
شهيرة .. هتعقلي امتا بقا وترجعي لجوزك ياهنا
هنا بالامبالاه .. انا مش هرجعله ياماما
شهيره .. يعني ايه نويتي تخربي بيتك خلاص .. طيب فكري في بنتك
هنا .. وهو مفكرش فيها ليه
شهيره.. .. ياحبيبتي تامر غلط وانا معاكي في ده. بس هو كمان ندم اديلو فرصة مفيهاش حاجه . وكمان لازم تقتنعي أن انتي كمان غلطتي .. انتي مش ملاك ياهنا
اللي جوزك عملو انتي السبب فيه انتو الاتنين غلطتو
هو مغلطتش لوحدو وزي ماهو بيحاول يصلح انتي كمان لازم تعترفي بغلطتك وتحاولي
هنا .. ماما ريحي نفسك انا عمري ماهسامحه علي خيانته ليا . ومش هتنازل عن الطلاق.. انا معملتش حاجة تستاهل الخيانة . وعلي فكره تامر عمره ماهيتغير . لأن ده طبعه .. كملت بنبرة قاطعة… انا استحاله ارجعلو ياماما بعد ما هان كرامتي وراح عرف عليا واحدة زبا.لة استحالة ارجعلو
…………..
عند تامر
شريف والده بعتاب .. ليه يا تامر ليه يابني ليه تعمل كده.. انت لو مش مرتاح كنت تعالي قولي وانا كنت اجوزك . لكن تروح تزني وترتكب كبيرة . مخوفتش يابني من ربنا مخوفتش تمـ,ـوت وانت علي معصية .. انا مربيك راجل ومتحمل مسؤلية وشايل معايا كتير …انت لو حد فاسد كنت قولت دي قلة تربية لكن انا مربيك كويس.
تامر بندم.. انا فعلاً ندمان . وكمل بخزي .. اعمل ايه
شريف خد نفس وقال .. شوف يابني كلنا بنغلط و ربنا بيحب العبد الخطاء العاصي اللي يجيلو تائب . روحلو يابني وهو هيتقبلك. ادعيلو واطلب المغفرة وهيتقبلك عنده ويتوب عليك . راجع نفسك ياتامر وارجع لربنا
تامر كان قاعد بيسمع أبوه وهو متأثر جدا من كلامو وحاسس بالندم
شريف خلص كلامه و سابه وقام مشي
وبعدها تامر خد مفاتيحه و نزل من الشركة وراح علي اقرب جامع ودخل اتوضي وابتدي بصلي وفضل يدعي ربنا انه يسامحو وهو بيبكي وندمان علي الخطأ اللي ارتكبه
….
بعد شهر
تامر كان قرب من ربنا جدا ومكانش بيسيب فرض وتاب عن عن اي معصية كان بيعملها وحاول كتير مع هنا أنهم يرجعو لبعض لكن هنا رفضت ترجعله ولسه مصممة على الطلاق
..
حازم كان قاعد على الكنبة وبيشرب قهوة بهدوء
هنا نزلت من فوق وقربت قعدت وهي بتقولو .. صباح الخير
حازم مردش عليها
هنا قامت وقعدت جمبه وقالت .. حازم انت هتفضل لحد امتا مش بتكلمني .. انا اسفة . عارفة اني غلطت ومكانش ينفع اني ارد عليك . انا اسفة بجد .. ممكن متزعلش مني بقا .. طيب ماانت كمان ضربتني
سكتت ثواني و قالت .. وبعدين انت ايدك تقيلة اوي ياحازم. انت كلتني قلم خلاني فضلت يومين مش عارفه ابص غير في جمب واحد
حازم غصب عنو ابتسم عليها
وباس راسها
هنا… مش زعلان مني خلاص
حازم… لا
وبعدين خد نفس وقالها .. ارجعي لتامر ياهنا . تامر كويس وبيحبك
هنا .. لو بيحبني مكانش خاني
حازم .. لأ هو بيحبك وانتي عارفه كدة . وموضوع الخيانة ده انتي السبب فيه . وبعدين هو دلوقتي اتغير اهو عاوزة ايه تاني
هنا .. حازم ماتضغطش عليا . انا مش هقدر ارجعله لأني عمري ماهنسي خيانته
حازم .. انا مش بضغط عليكي وفي الاخر دي حياتك واعملي اللي يريحك ولو فعلا عاوزة تطلقي انا هطلقك منو . بس عايزك تعرفي إن انتي الخسرانة
قام خد تليفونه ومفاتيحه وقبل مايمشي قالها .. فكري كويس ياهنا وراجعي نفسك
لكن هنا كانت شايفة ان الموضوع مفيهوش تفكير اصلا
…
