بعد يومين
كانت ليلي مرات عمها واللي هي مامت تامر راحتلها علشان تتكلم معاها
ليلي بهدوء وهي قاعدة قدامها .. مش كفاية كدة بقا ياهنا وترجعي لبيتك ولجوزك
هنا بسخرية .. جوزي . مش جوزي ده اللي راح عرف عليا واحدة زباله وخاني معاها . انا استحالة ارجعله واعيش معاه بعد ماخاني ياطنط ريحو نفسكم لاني واخدة قراراي ومش هتنازل عن الطلاق . وياريت لو سمحتي تقنعيه يطلقني بهدوء لأني عمري ما هرجعله بعد خيانته ليا . قوليلو ينسي اني ارجع ليه في يوم من الايام
ليلي .. يابنتي كلنا بنغلط لكن الاهم بنكمل في الغلط ولا بنرجع . وهو فعلا تاب ورجع لربنا
ردت هنا عليها بعنجهية وقالت .. والله تاب ماتابش دي حاجه ترجلعه . تاب لنفسه حاجة بينو وبين ربنا .لكن انا استحالة ارجع لواحد زي ده خاني وهان كرامتي
ليلي .. يعني مفيش فايدة .. طيب وبنتك
هنا .. مالها بنتي
ليلي .. مش بتفكري فيها . البنت كده نفسيتها هتتعب
انتي مش شايفاها حزينه ازاي . طفله صغيره وشايفة وحاسه باللي بيحصل . .. فكري في بنتك شوية ياحبيبتي وبلاش تهدي بيتك
هنا بجمود .. ابنك هو اللي هد البيت لما عمل عملته . واذا كان علي بنتي متقلقيش عليها انا بنتي كويسة . وهتتربي احسن تربيه كمان
ليلي .. لأ بنتك مش كويسه بنتك طول الوقت بتعيط وزعلانه . ايه مش بتصعب عليكي . مش فارقه معاكي
هنا .. طبعا فارقه مين قالك انها مش فارقه معايا
ليلي بسخرية .. ماهو واضح فعلا بتفكري فيها
هنا .. انا ببعدها عن القرف اللي ابنك بيعملو
هنا ليلي مقدرتش تستحمل وفتحت فيها وقالتلها .. مالو ابني
عمل ايه لكل ده
هنا بسخرية قالت … ابدا معملش حاجة .. هان كرامتي بس
ليلي بضيق منها ردت عليها بعصبية وقالتلها.. انتي كل اللي فارق معاكي كرامتك . كرامة ايه ياأم كرامة . طب ماانتي كمان دايسه علي كرامته من يوم مااتجوزتو .
شايفه نفسك علي ايه نفسي افهم .. شايفه نفسك اعلي منو في ايه . دا احنا حتي نفس المستوي وقرايب وساكنين قصاد بعض .
غلط اتنيل غلط وخد علي دماغه .بس سبب غلطه ده كان ايه؟ .. مش انتي .مش اهمالك ليه . ايه اللي خلاه يشوف الاهتمام بره . مش انتي . انتي اللي محافظتيش عليه
من الاول استغليتي حبه ليكي وانو ميقدرش يعيش من غيرك
ومشيتي علي هواكي ونسيتيه ونسيتي حقوقه عليكي . وقولتي ماهو كده كده جمبي ميقدرش يستغني
هنا بسخرية .. ماهو واضح انو مقدرش يستغني فعلا
ليلي .. ماهو راجل كنتي عايزاه يعمل ايه يفضل تحت رحمتك لوقت ماتحني عليه .. كام مرة حذرتك وفهمتك واقولك خلي بالك منو واهتمي بيه وانتي تقولي ماشي وخلاص ولا كأنى بتكلم ..حتي بنتك بتشوفك كل فين وفين ..
.. طبعاااا ما الهانم مش فاضيلها . فاضيه بس للشوبينج وقاعدة النوادي وناسيه جوزها وبنتها .. انا لو ابني غلط ف انتي السبب . زعلانه اوي انو عرف واحدة عليكي .طيب ما انتي اللي اديتيه الفرصة دي
هنا بعصبية .. انا اللي قولتله يروح يخوني انتي بتبرريلو ايه
بتبرريلو خيانته .!!!!
ابتسمت بسخرية وقالت ..طبعا ماهو ابنك . هتقولي ايه يعني .ما حضرتك لازم تتدافعي عن.. لعلمك بقا ابنك اللي بتدافعي عنو ده . دا طبعه ..طول عمره بتاع ستات ورمرام.. ومايغركيش انه اتغير لان كلها يومين وهيرجع تاني للرمرمة
ليلي .. لأ مش طبعه ياهنا وعمره ماكان بتاع ستات . وانتي عارفه كدة كويس .. انا ابني متربي احسن تربية . يوم ماغلط مغلطش غير بعد مااتجوزك ..ابني لو طول عمره مشيو بطال كنت قولت دا طبعه فعلا . لكن هو معملش كدة غير لما اتجوزك ..
كملت بسخرية وقالت .. ياتري بقا عمل كده ليه غير لو كنتي انتي السبب .. حرماه منك ليه . شايفه نفسك عليه بتاع ايه . اشحال لو مكونتيش بتحبيه كنتي عملتي ايه اكتر من كده .
ابتسمت بسخرية وقالت .. بس ازاي بتحبيه وبتعملي كده .. انتي لو فعلا بتحبيه ياهنا عمرك ماكنتي اهملتيه
ليلي اتنهدت وقالت .. بس تمام لو انتي فعلا مش عايزاه انا هخليه يطلقك وهجوزه واحدة تقدره وتحترمه . واحدة تعرف في الأصول . تعرف يعني ايه بيت وزوج
هنا اتضايقت من كلام ليلي لكن ردت ببرود وقالت.. روحي جوزيه من بكرة لو عايزه . ميفرقليش .لو عاوز يتجوز يتجوز . لكن قبل مايعمل كده يطلقني
ليلي بصت عليها بيأس وبعدين خرجت من عندها
اما هنا ف قالت في نفسها .. وديني لأ جيبو راكع تحت رجلي هو فاكرها سهلة كده وهسامح بسهولة
………………………………………..
بعد يومين
نزلت هنا من فوق لقت تامر قاعد مع باباها
قربت علي باباها وميلت باست ايده.
وقالت… صباح الخير يابابي
مراد… صباح النور ياحبيتي. يلا اقعدي مع جوزك
هنا… يابابا
مراد بحدة…. اقعدي قولت
وقام وقال…. هسيبكم تتفاهمو مع بعض.
هنا قعدت
وتامر اتنهد وقال .. هنا انا لسه باقي عليكي
بصتله وقالت ..ها وبعدين
تامر .. تعالي نرجع . كفاية كدة
هنا .. كفاية ايه
تامر .. كفاية بعد . تعالي نصلح اللي فات ونبتدي مع بعض من جديد
هنا .. وتفتكر هنسي خيانتك
تامر بتعب .. ليه مش عاوزة تسامحي .. طب ماانا كمان استحملت منك كتير . ومع ذالك لسه باقي عليكي ومش حابب اني اخسرك
هنا .. لأن ببساطة مهما اكون غلطت في حقك مش هيجي حاجة جمب خيانتك . انا عمري ماهسامحك ولا هرجعلك ياتامر
تامر .. معقولة نسيتي الحب اللي بينا
ابتسمت بسخرية وقالت .. تفتكر مين فينا اللي نسي الحب ياتامر
كملت بجمود وقالت .. انا اللي خونتك ولا انتا ..
لأ وعاوزني اسامحك وارجعلك عادي .. طب ازاي
ازاي ياتامر . طب حط نفسك مكاني كده لثواني . لو كنت انا اللي خونتك كنت هتسامح؟؟ . يعني انت مثلا بتقول اني مقصرة معاك علشان كده روحت عرفت عليا ستات والمفروض بقا إن دا مبررك للخيانه . طيب هل ينفع لو انت اللي مقصر معايا اروح انا كمان اخونك .. رد عليا . هتقبلها . هتسامح . هتسامحني ياتامر . ولا هتقـ,ـتلني
تامر .. الراجل غير الست
هنا .. لأ الاتنين واحد وحسابهم عند ربنا واحد …
تامر .. بس انا اتغيرت صدقيني . اديني فرصة
اتنهدت هنا وبعدين قالت .. ملكش عندي فرص . من الاخر ياتامر انا مش هقبل علي نفسي اني اتخان واسامح وانسي .. تؤ مش انا . مش انا اللي كرامتي تتهان وارجع ولا كإن في حاجة حصلت
تامر بيأس .. يعني مفيش فايدة
هزت هنا راسها ب ايوا وقالت .. اه . مفيش فايدة . لأنك ببساطه متستاهلنيش ومتساهلش اني اسامحك
بصلها تامر بيأس واتنهد بتعب وقام مشي
……
تاني يوم
كانت في اوضتها تليفونها رن وكانت صاحبتها اللي اول ما ردت عليها قالت …. مش ناوية تخرجي من العزلة دي بقا مش لايقة عليكي ياهنا
هنا… وحشتوني والله
صاحبتها… ياسلام . مش انتي اللي عامله فيها الزوجة المغدور بيها وقاعدة في البيت
هنا .. ماهو لازم اعمل كده . وانتي عاوزاني اعمل ايه . اعمل مش فارق معايا يعني
صاحبتها…. طيب بردو مقولتليش انتي ناوية علي ايه . اصل لو علي فلوس ولااملاك انتي ماشاء الله عندك وبزيادة
هنا .. لأ ياستي انا لا عاوزة فلوس ولا أملاك
صاحبتها… امال عاوزة ايه . ايه اللي في دماغك ناوية علي ايه يعني
هنا خدت نفس وقالت .. عاوزة انتقم لكرامتي اللي هانها واشوفه وهو بيتذللي وبيترجاني علشان ارجعله
صاحبتها… طيب ما هو بيحاول معاكي اهو
هنا .. لأ لسه مش بالسهولة دي . انا عوزاه يطاطي ويحس انو ظلمني بجد . ولو رجعت ارجع بشروطي ويسيبني براحتي. مش كل شوية خناق علي الدخول والخروج وحقوقي فين والكلام ده . لأ انا عاوزة اعيش حياتي بمزاجي زي ما انا عايزة . امشي الليلة بمزاجي وقت مااكون عايزة مش تحت امره هو . انا مش الجاريه اللي اشتراها. لازم يحس انو غلط فيا وغلط جامد واني مش هسامح بسهولة .لازم يحس بقيمتي ويفضل يحاول
كملت وهي بتريح علي السرير .. وانا بقا بمزاجي وقت ماستكفي وأحس اني راضية من جوايا لما اشوفه مزلول تحت رجلي وهو بيستعطفني علشان ارجعله. وقتها بقا ابقا افكر ارجع
كملت بإصرار.. وديني لأخليه يجيلي راكع وهو بيطلب رضايا وهو ندمان ندم عمره انو في يوم من الايام بص لواحدة غيري
صاحبتها….. وانتي ضمنتي منين انو هيعمل كده . مش ممكن يزهق وييأس ويطلقك ويسيبك فعلا
هنا .. مين ده تامر
