ضحكت بثقة وقالت .. تامر عمره مايقدر يستغني عني . اصلك متعرفيش هو بيحبني وبيعشقني ازاي
صاحبتها…. طيب وانتي
هنا .. انا ايه
صاحبتها… بتحبيه
هنا .. وتفتكري بعد اللي عملو ده هكون لسه بحبه
لو الحب ده هيخليني أتنازل عن كرامتي يبقا لأ ادوس علي قلبي ولا اهين كرامتي . انا مهما احبه مش هحبه اكتر من نفسي .. تامر خلاص من يوم ما سمح لنفسه يعرف واحده غيري وهو انتهي بالنسبالي وعمري ما هحبه تاني. حتي وانا متأكدة انو فعلا محبش غيري
صاحبتها….. يعني هو لما عرفها مكانش بيحبها
هنا .. يحب مين يابنتي . تامر عمره ماحب غيري ولا يعرف يحب غيري اصلا
صاحبتها…. امال ليه خانك معاها لما هو محبهاش
هنا بسخرية .. قال ايه علشان انا مهتمتش بيه .. البيه عاوزني اقعدله في البيت ببنته اطبخله وألبي طلباتو
علشان ابقي الزوجة الأصيلة من وجهة نظره .
بس لأ حتي لو رجعتله مش هرجع غير بشروطي
وزي ماأنا عايزة هعيش حياتي. وهخليه زي الخاتم في صباعي يتمني بس رضايا وهتشوفي
صاحبتها…. طيب ياحبيتي بكرة نشوف
هنا .. مش مصدقه
صاحبتها… لأ طبعاً مصدقاكي وعارفه هو بيحبك ازاي
هنا .. انا بقا حابه اقعد اتفرج عليه كده وهو بيتعذب في بعدي بحس اني مرتاحة وراضية بعد عملته السوده وانا شيفاه بيندم أشد الندم . كده بقا احس أن كرامتي بترجعلي بجد …. بقولك هقفل معاكي دلوقتي هشوف لين
صاحبتها… صحيح هي عاملة ايه دي وحشاني مـ,ـوت
هنا بزهق .. طول الوقت زعلانه وعاوزة ابوها
صاحبتها…. ليه هي مش بتشوفه
هنا … بتشوفه . بس هي عاوزه نرجع نعيش معاه . كل شويه تسألني وتقولي هنرجع البيت عند بابي امتا
صاحبتها… امم . وبعدين هي كده ممكن نفسيتها تتعب
هنا .. شوية و هتتعود .. يلا بقا سلام
صاحبتها…..ماشي سلام . بس المهم حاولي تخرجي وفكي عن نفسك كده
هنا .. تمام هشوف
تاني يوم
عند تامر في شركته
خرجت السكرتيرة من مكتب تامر وقالت للبنت اللي قاعده مستنيه
اتفضلي .. تامر بيه منتظرك جوا
البنت قامت وهي ماسكه في أيدها السي ڤي بتاعها ودخلت بتوتر
: مساء الخير
تامر رفع وشه بص لقي قدامه حاجة كده شبيهة بالحوريات
كانت بنت محجبة و لابسه لبس فضفاض وباصه في الأرض بحياء
تامر .. اتفضلي
البنت قعدت وحطت السي ڤي علي المكتب
وقالت .. ده السي ڤي بتاعي
تامر فتحه وبص فيه
بعدين حطه علي المكتب وسألها شوية أسأله تقليدية
وبمجرد ما انهي اسألته ليها وشاف ردودها الدبلوماسية
حس انها مناسبة للوظيفة ف قال .. تمام . انتي تقدري تستلمي شغلك من بكرة
البنت بفرحة بجد .. يعني انا كدة قبلت يافندم
تامر…. اه .. اسمك ايه
البنت .. تقي
تامر هز راسه .. تمام يا تقي . اتفضلي دلوقتي ياسمين هتفهمك طبيعة الشغل وهتعرفك ماشي ازاي . وبكرة تيجي بدري تستلمي شغلك . اهم حاجة تحترمي المواعيد
تقي قامت وهي مش مصدقه وقالت .. تمام طبعا . عن اذنك حضرتك
تامر هز راسه
تقي خرجت وتامر رجع ضهره علي الكرسي وغمض عينه وهو بيفكر في هنا
فتح عينه واتنهد بتعب بعدين مسك تليفونه وفتحه علي صورها وقعد يتفرج عليها وهو حزين عليها وندمان علي عملته اللي خلته يخسرها
خد نفس وبعدين حاول يتصل بيها واتصل بيها كذا مرة لكن هنا مكانتش بترد
……………………………………………………
عند هنا كانت قاعدة مع شهيرة
شهيرة .. مين عمال يكلمك ومش عاوزة تردي
هنا بلامباة ..دا البيه
شهيرة .. مين . تامر
هنا هزت راسها
شهيرة بعصبية .. انا مش فاهمه عاوزة ايه بالظبط . يعملك ايه تاني اكتر من كدة
هنا .. ماما . بعد اذنك
شهيره .. تمام ياهنا اعملي اللي يريحك . بس متبقيش تندمي في الاخر
هنا بثقة.. لأ متقلقيش مش هندم . انا عارفه بعمل ايه كويس
شهيرة هزت راسها بيأس منها وقالتلها .. صدقيني غرورك وكبريائك دول هيخسروكي كتير
…………………………………………………..
