بقلم يارا الثانى

مديحه:طيب يلا نخرج الاكل ونتجمع كلنا ناكل ونادى لصحبتك من فوق..
_حاضر..
نور طلعت عالسلم وكان فارس نازل ..
نور طالعه من غير متعيره اهتمام أو عامله نفسها مش شايفاه..
فارس:طيب متقولى صباح الخير
نور:صباح الزفت على دماغك
فارس بروقان: احلى صباح دا ولا اي ..
نور باستغراب:وانت اي مروقك كدا وباسطك كدا
_في حد يبقى فرحه النهارده ومينبسطش ولا اي يا عروسه..
وغمزلها..
نور وشها احمر ..
:انت رخم وسمج..
فارس:مانتى طلعتي بتحمري اهو امال عامله نفسك شبح ونافخه ريشك علينا ..
نور قربت منو بعصبيه:وانت مالك انت يا بارد انت حتى دي عاوز تتحكم فيا..
فارس:بس على فكره شكلك بيبقى حلو وانتى متعصبه ومحمره كدا..
نور نفخت بغيظ وسابته وطلعت..
وبعدها ابتسمت ودخلت الأوضه وهى مبتسمه وكانت جميله بتلبس..
جميله:هوا انتى كل لما تبعدي عنى ترجعيلي محمره كدا
نور:اي في اي
_اي اي انتى مالك اي مدهولك كدا..
نور:اصل اصل
جميله بمشاكسه:اصلك شوفتي فارس صح
نور:عرفتى ازاي
جميله:مهو للاسف الواد كل لما يكلمك وشك بيحمر فيعرف من كدا..
نور:ها..
جميله:ها اي يلا يلا انا جعانه معندكوش اكل في البيت دا ولا اي
نور:يلا يختى الاكل جاهز تحت
جميله:وأحمد تحت
نور:اه يختى حبيب القلب تحت..
جميله:بنت عيب ..
يلا ننزل..
الاتنين ضحكوا ونزلوا..
جميله قعدت جنب مديحه وفضل مكان جنب فارس ..
نور بصت لجميله بغيظ…
وقعدت عالكرسي اللي جنبه وبتحاول متقربش منو ..
وهوا قاعد ماسك نفسه من الضحك ..
الجد:قربي يا نور عالاكل علشان تعرفي تأكلي
نور:لا انا كويسه كدا يا جدو..
فارس همس:متتكسفيش يا عروسه هتبقى كلك ملكي النهارده..
نور شرقت وفضلت تكح وفارس فضل يضحك وادالها ميه..
نور :انت قليل الادب..
فارس فضل يضحك والكل مستغرب هوا بيضحك على اي..
الكل خلص فطار …
والرجاله خرجوا برا يتابعوا التحضيرات والستات والبنات بدأوا يجهزوا علشان الفرح والكل بيغني ومبسوط ونور كان قلبها فرحان بس مقبوض حاسه ان في حاجه هتحصل..
مديحه:جميله يا بنتى خدي دا مفتاح الاوضه اللي فوق اللي في الوش روحي هاتيلي منها شنطه المعالق هنلاقيها هناك ..
جميله:حاضر يا طنط..
جميله طلعت ودورت على الأوضه..
لقتها وفتحتها ودخلت..
كانت ضلمه فتحت النور وقعدت تدور على الشنطه
*هي فين شنطة المعالق دي يجدعان..
فضلت تدور لحد ملفت انتباها صندوق كبير
جميله بتفكير:ممكن يكون في الصندوق دا..
حاولت تفتح الصندوق لحد مفتح معاها..
واتفاجات من اللي شافته…

#

#البارت_الرابع_عشر

جميله بتفكير:ممكن يكون في الصندوق دا..
حاولت تفتح الصندوق لحد مفتح معاها..
واتفاجات من اللي شافته…
شافت صور لأم نور وشافت حاجات غريبه ووجودها في أوضاع مش تمام وكمان صور. ليها في أماكن باين عليها انها مشبوهه.. وغير كدا كان في فلاشه جميله تلقائيا خدتها…
*اي دا اي اللى انا شايفاه دا نور تعرف الصور دي وتعرف أن أمها كدا نور مش هتستحمل اي صدمات فيها تاني كفايه انها مبقتش تثق فيها ولا في وجودها طيب اعمل اي .
انا اخدت الفلاشه اكيد هيكون فيها حاجه ودليل واضح..
انا قلبي واجعني اووي على نور مش هتستحمل صدمات تاني..
سمعت صوت بينادى عليها كانت مديحه..
_يا جميله انتى فين يا بنتى بقالك ساعه بتعملى اي
جميله بتوتر:جايه اهو..
راحتلها..
جميله:ملقتش الشنطه..
مديحه:طيب يا بنتى هطلع انا هجيبها اسفه تعبتك معايا..
جميله:لا يا طنط ولا يهمك..
..
نور كانت البنت بتاعت الميكب بتحطلها اللمسات الاخيره اللي زادتها جمال على جمالها وكأنها حوريه من الجنه وطبعا التزمت انها تلبس الحجاب في يوم زي دا لأن قلع الحجاب مش هينقص من جمالها لا دا هيزيدها جمال على جمالها..

كانت متوتره وخايفه هى لسه متعرفش فارس والجواز جه فجاه هى حاسه بشعور ناحيته بس مش عارفه لي قلبها مقبوض..
قطع سرحانها وتفكيرها
رساله مبعوتلها على الواتساب..
مسكت الموبيايل وهى مستغربه من الرقم الغريب دا فتحت الرساله..
اتصدمت لما شافت فارس مع واحده تانيه وفي اوضاع مختلفه وكل وضع اوحش من اللي قبله..
وكل صورة بتشوفها بتسحب من روحها…
جميله دخلت عليها..
قفلت التليفون بسرعه من غير متشوفها..
كانت شكلها متاخد ومخضوضه وجميله كمان كانت متوتره..
جميله:قمر اووي يا نور..
بصتلها وخدت بالها من الدموع اللى متحجره في عينيها..
_مالك يا نور..
نور كانت سرحانه..
فاقت على هزة من ايد جميله
_نور يا حبيبتي مالك وشك ماله مخطوف كدا..
نور يتماسك:مفيش يا حبيبتي انا بس متوتره وخايفه
جميله بحنان:متتوتريش يا حبيبتي وبعدين فارس باين عليه اووي أنه بيحبك ومستحيل يزعلك انا واثقه في دا..
نور:اه ماشي..
مديحه جت والكل جه واسراء كانت لابسه فستان جميل وجميله كانت جميله…
نروح عند فارس..
كان بيحط اللمسات الاخيره وهوا فرحان وحط البرفان المميز اللي بيحبه..
احمد دخل بيغني..
_افرحي يا عروسه انا العريس يا عروسه يا عروسه..
فارس ضحك على هبل اخوه..
احمد بمشاكسه:والله يا فارس وهتدخل عش الزوجيه ..
فارس براحه:مبسوط انى خلاص هكون معاها في بيت واحد دا حلمى من زمان يا احمد
احمد:واهو تتحقق يا سيدي ابقى ادعيلي بقى علشان انا اللي جمعتكوا..
فارس:اه شكرا يا اخويا..
احمد:طيب يلا علشان المأذون جه تحت..
فارس:نور جهزت..
احمد:اه ..
فارس خرج وراح ناحية الأوضه بتاعتها وكان الكل موجود..
فارس كان مبسوط جدا وشافها وسرح في جمالها..
نور كانت واقفه تايهه ومتحجره مكانها..
فارس خد ايديها والكل بدأ يزغرط فارس كان حاسس ان فيها حاجه بس قال ممكن تكون خايفه أو متوتره..
نزلوا وكان الكل متجمع وأهل البيت والبلد كلهم وكبار البلد والمأذون بدأ في الإجراءات وكان الجد قاعد على يمينه وفارس علي شماله..
وبدأ يقول ويرددوا وراه .
وانهى كلامه..
“بارك الله لكما وبارك عليكما وجمع بينكما في خير”
بداو الزغاريط والفرح والاغاني والكل بدأ يرقص ويهيص لكن نور في عالم تاني ودنيا تانيه مش عارفه اللي عملته دا صح ولا غلط مش عارفه هوا فعلا الكلام دا حقيقه والصور دي حقيقه .
كانت طول الوقت باصه على فارس بتتصفح ملامحه وتعابير وشه وقد اي هوا مبسوط بيها وبالفرح ..
*معقول لو كان بيعمل الي بيعمله دا يكون مبسوط كدا وهوا معايا!!
دمعه نزلت من عينيها غصب عنها..
مسحتها قبل ما حد يشوفها…
وجميله كانت جنبها وماسكه ايديها وبتدعمها..
حمدت ربنا أن في في حياتها صاحبه زي دي..
فارس بص عليها واستغربها واستغرب حالة السكوت اللي هى فيها..
الفرح خلص ..
فارس ونور طلعوا الاوضه..
وفارس لسه هيتكلم نور صدته
نور:لو سمحت انا عوزا انام وتعبانه طول النهار عن اذنك..
دخلت وغيرت الفستان ولبست بيجامه مريحه وخرجت ..
وكان لسه فارس واقف عالصدمه دي وكلامها وصدتوا ليها..
قرب منها:نور ..
نور بلامبالاه قعدت عالسرير ونامت..
فارس قرب منها..
_نور انا بكلمك بصيلي…
نور زقته بعيد ..
_لو سمحت متتكلمش معايا مش عوزا اشوفك انا بكرهك يا فارس بكرهك بجد..
انت وحش اووي وقاسي اووي ومعندكش قلب ولا بتحس وكل اللي قولتهولي كدب انت مش بتحبني الظاهر أن ماما كان عندها حق ..
فارس بصدمه:نور اي الكلام دا ..
نور:للاسف دي حقيقتك يا فارس الحقيقه اللي انا لسه شايفاها لو سمحت سيبني في حالى وكلها شهر وهنتطلق …
فارس بعصبيه:هوا بمزاجك طلاق اي اللي بتفكري فيه دا انتى مجنونه..
نور قامت وقفت بعصبيه
_ايوا انا مجنونه انا مجنونه انى قبلت اتجوزك انتى وافقت اني اربط نفسي بيك وبواحد زيك مقرف ومعندكش اخلاق ولا عندك قلب ولا بتحب ..
فارس اتعصب..
وضربها بالقلم..
نور وقعت على السرير وعيطت..
فارس:الظاهر انتى امك معلمتكيش تتكلمى مع جوزك ازاي ولا تحترميه ازاي وانا بقى هربيكي واعرفك ازاي تتكلمى معايا يا نور وطلاق مش هطلق وهتفضلي هنا ومعايا انا …
وزعق:علشان انتى ملكي انا يا نور ملكى انا ومفيش اي حاجه في الدنيا تقدر تمنعني انك تكوني ليا واللي هيعترض الطريق دا هفرمه..
انا عارف أن في حد لعب في دماغك وعارف أن دا مش انتى …
بس هسيبك دلوقتي…
فارس سابها وخرج..
نور قعدت مكانها تعيط وفتحت الصور تاني وشافتها ودموعها نزلت اكتر ..
*انا عارفه انو هينكر انو هوا اللي عمل كدا انا مش عارفه اعمل اي …
قضت باقي الليل لوحدها وبتعيط…
لحد ما نامت..
فارس جه من برا قرب الفجر..
دخل لقاها نايمه..
قرب منها..
وباس رأسها ..
*والله يا نور لاعرف مين اللي عمل فيكي كدا استنى عليا بس…

في مكان ما..
كانت لبنى قاعده مع رجب وبيضحكوا..
_اكيد الليله بقت انس عليهم دلوقتي..
وبنتك هتطلق على طول
_ايوا انا بقى هوريه ابن مديحه يهددنى انا ازاي..
_لا عاش ولا كان اللي يهددك دلوقتي الليله بقت فل عليه واتربقت فوق دماغه..
_اه هههههههههه علشان مبقاش انا لوحدي…
_اصبري عليا بس انا هوريه ..ازاي يقف قدامك ويتحداكى..
_تسلملي يا راجلى..
_بس حاولى تجيبي بنتك هنا علشان الشغل وتجيب الورث بتاعها ..
_عنيا في اقرب فرصه بس لازم نكرها فيه نهائي..
_اصبري دانا محضرلها مفاجاه..

نور صحيت من النوم لقت نفسها متحاوطه من جميع الجهات ..
فارس كان نايم ونور في حضنه وهوا متبت فيها ..
نور بدأت تعيط تاني وافتكرت اللي حصل..
فارس:مش ناويه تقوليلي اي الي حصل واي غيرك ..
نور حاولت تبعد عنه وهوا سابها..
وهى دخلت الحمام..
وهوا قام ونزل تحت بعصبية..
تليفونه رن..
الطرف الآخر:صباحية مباركه يا عريس..هههههههه..

#يارا_عبد_السلام

#البارت_الخامس_عشر#
##

الشخص المجهول: صباحيه مباركه يا عريس ههههههههه
فارس اتجنن واتخض وعرف أن اللي في نور دا بسبب حد..
حاول يوقع بينهم

فارس طلع فوق علشان يشوف نور ويعرف اي الي حصل واي غيرها هى اه مش بتحبه بس كان حاسس انها بدأت
تحبه لكن اللي حصل خلاها مش متقبلاه خالص وكارهاه

دخل الأوضه .
كانت نور قاعده ماسكه التليفون وبتعيط برضو
فارس دخل وشده من ايديها

نور اتخصت من ردة فعله والله عمله فارس مسكه وبد يقلب فيه وشاف الصور وكل حاجه هوا نفسه مصدقش واستغرب ازاي يكون في صور متفبركه بالطريقه دي بصلها وهوا مش عارف يقولها اي عندها حق تعمل كدا واكتر

نور كانت واقفه قدامه والدموع متحجره في عينيها..

نور:اكدب وقول أنه مش انت

فارس:هوا فعلا يا نور دا مش انا الصور متفبركه وواضح اووي انها متفبركه انا عمري في حياتى ما اعمل حاجه زي دي انا طول عمري بتمناكى انتى ويتمنى اكون معاكى انتى انا عارف انك مش مستوعبه بس..

نور بدموع وعياط:بس اي يا فارس انت عارف احساس أنه يخيب املك او العلاقه اللي انت داخل فيها تنهد قبل متتبني انا كنت خلاص بدأت ا..وسكتت

فارس قرب منها :كنتى بدأتى تحبيني صح
بص في عينيها.
انتى متخيله انى ممكن احب غيرك أو اعمل كدا انا كنت كل اللي بعمله انى يدعى في كل صلاة انك تبقى ليا و معايا وتبقى مراتى انا عمري مافكرت اكلم بنت حتى واقول نزوى دا لانى كنت بخاف عليكي اووي يا نور انتى مش متخيله انا كنت عامل ازاي من غيرك بس انا عارف انو حقك تعملى كدا واكتر وانا هثبتلك أن دا كلو متفبرك وانك حكمتى عليا حكم صعب اووي مش متخيله أن يكون منك

نور حاولت تتماسك كانت حاسه أنه هايغمى عليها هى اه حكمت عليه من غير ما تسمعه بس هى لسه مش متخيله
انو ممكن يعمل كدا وحاجات كتير منعاها انها تفضل معاه..

نور:انا من صدمتى معرفتش اتكلم احساس صعب اووي انت متخيل اليوم اللي كنت مستنياه يبقى عامل كدا مكنتش حاسه انى عروسه كنت حاسه والماذون بيكتب الكتاب انو بيكتب نهاية حياتى كان قلبي مقبوض مكنتش اتخيل في يوم انى اتجوز واحد خاين ليظهر قدامى انو بيحبني ومن ورايا مقضيها.

نور بعياط:انت لي عملت كدا لى كداب لي اناني لى انا عملت فيك اي
فارس بعصبيه:انتى لى مش مصدقاني بقولك الصور دا متفبركه انتى لى مش واثقه فيا وفي حبي ليكى انا مش عارف انا عملتلك اي بس عندك حق والله يا نور الايام هتثبتلك وهتعرفي وقتها انك حكمتي من غير متسألى قلبك ومن غير متفكري بعقلك وهعرفك أن اللى حاول يوقع بينا هوا موقعش بينا بس هوا حطم كل حاجه كان ممكن نبنيها سوا
نور بثبات:طلقني يا فارس
فارس:حاضر يا نور علشان العلاقه اللي تتبني على شك عمرها ما بتكمل بس اصبري شويه وانا هعمللك اللي انتى عوزاه اول ما اعرف مين عمل كدا وصدقيني عمري ما هرحمه حتى لو كانت امك
عن اذنك يا بنت عمى..

نور في بالها:انا عارفه انى ظلماك وعارفه انك معملتش حاجه بس اعمل اي الظروف اقوى منى مينفعش انت تفضل مع واحده امها كدا انا اسفه يا فارس

Flash back