بقلم يارا الثانى

نور كانت قاعده بعد ما صلت الصبح ولقت التليفون بتاعها بيرن على رقم جميله
نور:صباح الخير عامله اي
جميله:الحمد لله يا نور
جميله:اي مالك يا نور انا حساكى تعبانه من امبارح في حاجه حصلت
نور بعياط:اصل
جميله اتخضت انها ممكن تكون عرفت حاجه عن امها:اصل اي يا حبيبتي اتكلمى فضفضى
نور انهارت وبدأ تحكيلها كل اللي حصل وبدأت تحكيلها عالصور
جميله:انتى غلطانه يا نور انتى كان لازم تواجهيه انا متاكده أن فارس عمره ميعمل كدا انتى مش شايفه حبه ليكي في عينيه لو كان عمل كدا عمره ما هينكر دا وهيقول لانه مش بيخاف وكمان انتو لسه في أول العلاقه المفروض تبنيها على صدق ونقط واضحه
نور:طيب هوا مين في مصلحته يعمل كدا ومين عاوز يوقع بينا
جميله:امك مثلا
نور:اي امى ازاي..
جميله:متسبعديش اي حاجه دا غير أنها مش موافقه عالجواز وغير انها جت وعملت مشاكل وغير ال..
نور:غير اي يا جميله
جميله:غير الصور اللي شوفتها ليها عندكوا والفلاشه اللي عليها حاجات استغفر الله العظيم
نور:اي اللي انتى بتقوليه دا انا ماما عمرها متعمل كدا لا لا..
جميله:طيب انا هبعتلك الصور وكل حاجه بس توعديني تمسحيها علشان محدش يشوفها عندك
نور بدموع:ماشي
جميله بعتتلها كل حاجه
نور شافت الصور وقلبها وجعها وعيطت اووي ثقتها في نفسها وكل حاجه اتهزت نظرتها للعالم والناس اللي حواليها اختلفت
جميله:انا اسفه يا نور بس انتى كان لازم تعرفي حقيقه كل حاجه حواليكي ومتظلميش فارس
نور:هى خلاص بقاش فيها فارس انتى متخيله انو لو عرف حاجه زي دي هيفضل معايا اصلا دا مش بعيد يرميني في الشارع .
جميله:لا طبعا اي التفكير دا فارس بيحبك انتى
نور’:بس انا امى امى..انا مش قادره اقولها..
جميله:نور امسحى كل حاجه علشان محدش يشوفها واهدي يا حبيبتي وصدقيني فارس مظلوم
نور:خلاص يا جميله كل حاجه انتهت قبل ما تبتدئ

انا لازم اتطلق..
جميله بصدمه:اي.. انتى مجنونه ازاي دا لا طبعا
نور:طيب اقفلى دلوقتي واكلمك بعدين..

end back
نور:انا اسفه بس انا امى مخلتليش اي حاجه حلوة في حياتى..
مسحت دموعها ..
نور:انا لازم اتصرف

فارس راح البيت اللي عايشه فيه لبنى لانه عارف ومتأكد أن هى اللي عملت كدا..
فتحت الباب
لبنى:اي يا عريس سايب عروستك يوم الصباحيه وجاي لي اوعى تكون البت فيها حاجه..
فارس:اللي فيه حاجه فعلا هوا انتى انا عمري في حياتى ما شوفت ام كدا ولا حتى في الافلام يا شيخه
لبنى:يا حرام طيب اديك شوفت
فارس:انتى عوزا اي مننا مش كفايه اللي عملتيه زمان ومش مكفيكي الصور والفيديوهات اللي ليكى معايا اللي ممكن يدخلوكى السجن في لحظه.
لبنى بلعت ريقها ورجعت لورا وهى خايفه :على فكره مش انا اللي عملت الصور دي ولا ليا دعوة خالص
فارس:امال مين
لبنى:معرفش انا معرفش
فارس اتعصب ولسه هيمد ايده عليها لقى اللي ماسكه ايده
…….و….#

#البارت_السادس_عشر
#
انا اللي عملت الصور دي ولا ليا دعوة خالص
فارس:امال مين
لبنى:معرفش انا معرفش
فارس اتعصب ولسه هيمد ايده عليها لقى اللي ماسكه ايده
…….و….
اتصدم لم شاف نور وهي وقفه وماسكه ايده..
نور:امى اذتك واذتني بس مينفعش تمد ايدك عليها علشان للاسف في الاول وفي الاخر هي امى
فارس:نور انتى اي جابك هنا
نور:فارس انا عرفت كل حاجه عرفت الحقيقه وشفت كل حاجه الصور والفيديوهات وكلو انا اسفه جدا على كل كلمه قولتهالك واسفه على اي حاجه صدرت مى غصب عني انت حقيقي من انقى الناس اللي عرفتها .
فارس:نور انتى اي بتقولى كدا
نور يتماسك:انا اسفه يا فارس انا مش هقدر اكمل معاك خوفا عليك وعلى عيالنا بعد كدا خوفا من أن حد يجرحهم بالكلام انا اللي زيي مينفعش تحب ولا تتحب
فارس:ملكيش دعوة انتى بالكلام دا انا مش عاوز غيرك من الدنيا انتى متعرفيش انا بحبك قد اي وحاربت وبحارب علشان تبقى معايا وملكى متبقيش انانيه..
نور بصت للبنى اللي كانت واقفه بتترعش من صدمتها أن بنتها عرفت عنها كل حاجه كان احساس صعب ليها انها تشوف نظره الخذلان من بنتها ليها وتتحط في الموقف دا
نور للبنى:شابو ليكي يا امى يا امى ياللي كنتي بتخوني ابويا في وجوده وعدم وجوده يا تري بقى يا ماما انا بنته ولا بنت حرام..
لبنى قربت منها وبتعيط..
نور :بتعيطي ومفكرتيش فيا انا بقيت اشك في نفسي انى بنتك اصلا انتى اللي زيك تعمل اي حاجه علشان الفلوس
لبنى:لا يبنتي انتى بنت عبدالله انتى الحاجه الوحيده اللي حلال في حياتي علشان كدا كنت بعداكي عنى دائما
نور:دا بجد طيب شابوو ليكي يا ست الكل شكرا على جمايلك دي شكرا على الأثر اللي سبتيه لما تمـ,ـوتي شكرا علي احساسي انى عجزت شكرا على اللي عملتيه فيا خلتيني مش عارفه افتح قلبي للشخص اللي بيحبني من قلبه مكنتش اتخيل في يوم انى هقف قدامك كدا بس بجد انتي اذيتيني. اووي واذيتي حياتى ومشاعري لى عملتى كدا لى ..
لبني كانت واقفه ساكته مش عارفه ترد لسانها متلجم لأن كل كلمه نور قالتها صح وعندها حق فيها هي فعلا ولا عمرها كانت أم ولا الزوجه المثاليه..
عينيها دمعت
نور:اي دا يا ماما انتي عندك دموع زينا طلعتي بتحسي انا عوزا اقولك حاجه كمان .
انتي مهما عملتي مش هتعرفي تاخدي فلوس ولا اي حاجه حتى انا مش هتكسبيني انا عوزا اقولك حرفيا كدا وبدون مبالغه انا بقيت اكرهك حقيقي بقيت اكره نفسي علشان انا بنتك خسارة اووي بجد انتى بالنسبه ليا دلوقتي ميته
نور سابت المكان ومشيت وفارس نزل وراها
فارس:استني يا نور انا بنادى عليكي
نور بعياط:عاوز اي مني مش كفايه خذلان كدا
فارس:بس انا مخذلتكيش انا مظلوم والله
نور:انا عارفه انك مظلوم
فارس وهوا ليحاول يلطف الجو:وعرفتي منين بقى
نور:حسيت
فارس:مانتى طلع عندك قلب بيحس اهو امال قرفاني لي من الصبح ومرمطاني وراكي مش ناويه تحنى بقى دانا ابن عمك
نور :هحاول بس موعدكش
فارس بضحك:يخربيت تواضعك يا شيخه
نور:علشان تعرف بس…..ورجعت تاني دمعت بابا وحشني اووي عوزا اروحله
فارس مسك ايديها :تعالى هخدك ليه
نور:بجد
_اه والله بجد
نور فرحت واتشعلقت في ايديه وهوا فرح لانه حس انها طفله لما تتوه من ابوها وحد يقولها تعالى هخدك ليه
خدها وراحوا المقابر اللي مدفون فيها ابوها..
وقفت قدام المكان هى وفارس وقراوا الفاتحه وهي دمعت

*سيبتني لي انا مكنتش بحب حد في الدنيا غيرك انت اللى كنت مصبرنى على كل حاجه شوفت ماما عملت اي شوفت يا بابا انت وحشتني اووي انا عارفه انك بتحبني بصت لفارس بص. يا بابا دا فارس ابن عمى اه صح واتجوزنا امبارح هوا طيب وشبهك علشان كدا وافقت اتجوزه وجده بيحبك اووي وعمو محمد ياريتك مكنت سمعت كلام ماما زمان ماما طلعت كدابه يا بابا طلعت كدابه انا حاسه بالخذلان بس انا مبسوطه انى عرفت كل حاجه ومبسوطه انى حواليا ناس بيحبوني زي عيلتي بابا انا مبسوطه اووي وسطهم نام يحبيبي وارتاح ومتقلقش عليا انا عارفه انك خايف عليا بس متقلقش انا معايا فارس وجدو.
نور قامت من مكانها
فارس مد ايده ليها علشان تمسكها
ابتسمت ومسكت ايده وهوا بحركة منه خلاها في حضنه حاولت تبعد عنه بس هوا قالها
:دا إثبات قدام عمى انى بحبك يا نور
نور ابتسمت وحست بالأمان والدفا حقيقي ربنا بيعوضك في كل حاجه بحاجه احسن منها..
فارس:انا بحبك اووي يا نور متسبينيش انا عارف انك حاسه تجاهى بشعور موصلش للحب بس انا متاكد انى هقدر اخليكي تحبيني
نور:انا عارفه انك هتقدر أو شكلك قدرت وانا مش عارفه
فارس:اي
نور:يلا بقى نمشي علشان الليل ليل وشكل جدي قلقان علينا
فارس:ماشي يلا

الاتنين مسيو وراحوا البيت دخلو وكان الكل قلقان عليهم دخلو وهم مبتسمين
الجد بقلق:انتو كنتو فين
فارس:كنا بنتمشى ونور كانت عوزا تروح تزور عمى فروحنا
الجد:طيب مقلتوش لي
فارس:مفيش داعى انا معاها وكمان الموضوع جه فجاه
محمد:خلاص يا بابا سيبهم يطلعوا يرتاحو
الجد سابهم وهم طلعو..
نور دخلت خدت شاور لأنها كانت مرهقه جدا ..
خرجت كان فارس قاعد على السرير وباصص في الفون..

قامت وقفت قدام المرايا علشان تسرح شعرها.
لقته واقف وراها وماسك من ايديها المشط وبدأ يسرحلها هوا نور عوزا تقوله ابعد بس هى حابه قربه ليها واللي بيعمله معاها وبدأت تحبه وتحب كل تفاصيله ابتسمتله وهوا ابتسم
فارس:على فكره شعرك جميل اووي يا نور
نور:شكرا خلاص انا ممكن انا اخلصه متتعبش نفسك
فارس:ياريت يبقى انى اسرح لمراتى شعرها تعب دا يبقى احلى تعب دا ولا اي
نور:مراتك
فارس:اه مراتي وبالنسبه للفرح بتاع امبارح اللي قلبتيه نكد فوق دماغى دا اي
نور:ها
فارس:ها اي ..
قرب من خدها وخد بو*سه
علشان تبقى خدودك تحمر تاني قدامى
وخلص اللي كان بيعمله ولا كأنه حاسس ولا سامع بدقات قلبها ولا حالتها اللي ميئوس منها دى..
ضحك علي شكلها وعلى استسلامها دا وخلص ونزل علشان العشا
ونور حصلته وهى مش على بعضها غير نظراته ليها وكسوفها منه

فارس حاله اتصال وكإنه كان مستني الاتصال دا
فارس :اي دا بجد اتقبض عليهم..

و…..
#يارا_عبد_السلام

#البارت_السابع_عشر

فارس جاله اتصال وكإنه كان مستني الاتصال دا
فارس :اي دا بجد اتقبض عليهم
نور استغربت مين دول اللي اتقبض عليهم
فارس بص لجده ولنور بأسف
*لبنى ورجب اتقبض عليهم في الشقه اللي عاملينها هم وناس معاهم ودلوقتي هم على زمة القضيه
نور بصتله بصدمه :انت متاكد من الكلام دا هى دلوقتي مسجونه ودلوقتي انا أمى مسجونه عيطت ووقفت فارس انت لازم تطلقني لازم
الجد وقف :انتى مجنونه اي الكلام اللي بتقوليه دا انتى مالك ومالها
نور:مالى انها امي مش هعرف اعيش كدا انا هرجع شقتي وفارس هيطلقني وهرجع لوحدي تاني انا متعوده على كدا مش هتفرق
فارس:خلاص خلصتي اللي عندك كل اللي همك نفسك وبس مش همك اي حاجه تانيه كل لما يحصل حاجه كلمه سهله طلقني دي صح..
نور بصتله بصدمه :انت هتستحمل تعيش مع واحده امها مسجونه في قضيه******
فارس:انا لما حبيت حبيتك انتى وانا عارف من زمان أن امك كدا وعارف كل حاجه عنها بس مقدرتش امنع نفسي انى احبك مع انى حاربت الحب دا كتير بس قلبي هوا اللي متعلق بيكي عوزا تدوسي عليه وتمشي ولا كأنك شوفتيه متعمليش كدا يا نور اعتبري انك ملكيش ام من الأساس وكملى معانا ومعايا في حضني حبيني زي مبحبك
الجد :نور انتى يا بنتى ملكيش اي ذنب في كل اللي حصل دا متحكميش على نفسك بالاعدام وانتى حيه عيشي حياتك كان مفيش حاجه حصلت هى كدا كدا كانت سايباكي تعافري لوحدك هى ظهرت تاني علشان الفلوس وربنا خيب ظنها ووقعها في شر اعمالها وانتى خليكي مع ابن عمك انتى برضو مننا واحنا اهلك متحكميش على نفسك حكم انتى مش قده..
احمد:احنا هنا كلنا اخواتك وجميله صحبتك واختك وعندك بابا وماما بيحبوكى زينا تمام يعني ربنا عوضك عن مـ,ـوت عمى بينا كلنا متعمليش في نفسك كدا..

فارس خرج وقعد في الجنينه يطلع الخنقه اللي حاسس بيها
نور خرجت وراه بعد ما الكل. أقنعها انها متسبهوش وهى متاكده انها بتحبه
قعدت جنبه
_تعرف انى غبيه اوووي
هوا يصلها بطرف عينيه ومردش
نور:غبيه علشان عوزا اسيب اللي بيحبوني وامشي وعيطت انا انانيه اووي زي مانت بتقول انت عندك حق في كل كلمه انت قولتها انا معنديش قلب ومش بحس وانانيه ووحشه و..
فارس حط ايده علي بقها علشان يسكتها
فارس:اي اللي انتى بتقوليه دا وبعدين يستى انتى لو غبيه فأنا بحب غباءك ولو انانيه فعادي كل حاجه هتتصلح ولو مش بتحسي فانتى عنك حق
نور عضت ايده اللي هوا هوا حاططها
_انا مش بحس يا فارس
_هوا مش انتى اللي قولتي كدا
_وانت بتأكد كلامى انا زعلانه
_نعم يختى هوا مش المفروض انا اللي زعلان وانتى جايه تصالحيني هى اي الناس دي انتو اي حرام ناخد موقف منكوا
نور ضحكت على رد فعله
_الله مش انت اللي غلطت فيا
_يا حرام دانا طلعت معنديش دم
_اه فعلا
_نعم!
_مالك كدا روق يا ابو الفوارس كدا وخليك رويح
_ماشي يا نور شوفي بقى هتعملى اي في امتحان الميد ترم اللي عامله الاسبوع الجاي
_امتحان اي !
_الميد ترم يا حلوة
_اي دا هوا مش المفروض اني عروسه وكدا والمفروض انى مراتك وتحترمني شويه
_هوا من ناحيه انك عروسه فهوا مش باين انا شايف جعفر قاعد جنبي ومن ناحية انك مراتي فأنا مش متاكد الصراحه
نور:نعم مش متاكد ازاي والمأذون اللي كتب كتابنا دا اي كان جاي يتفسح عندنا
_لا بس مفيش إثبات على كلامك دا
نور فهمت قصده وقامت من جنبه وهوا ضحك
_انت انت رخم وسئيل
وسابته ودخلت