اتجه ريان إليه وجلس بجواره
كدا تخضني عليك يخربيتك قطعت الخلف بسببك
سها عاملة إيه أردف بها بصعوبة
ربت على يديه بحنان.. ربنا يرحمها حبيبي والبركة فيك عايزك تجمد ياعمر عشان باباك ومامتك محتاجينك.
: هي حمتني بنفسها ياريان عمري مافكرت إنها ممكن تنقذني ثم بكى بقوة
ضمت يديه مرام وبكت لبكائه: حبيبي شيد حيلك وهي في مكان أحسن من هنا
آه يامرام على وجع قلبي عليها دي مهما كانت سها
ضمته أكتافه بحنان ثم وضعت جبينها على جبينه
وبكت ربنا يرحمها ياعمر ادعيلها بالرحمة بلاش تعمل كدا عشان متتعبش أنا هموت ياعمر
تركهم ريان حزينا على وضع عمر وما وصل إليه تمنى ألا يكون بمكانه ابدا فمهما حدث بين الاخوة دايما الاخ اخا حتى لو ظهر غير ذلك اتجه إلى نغم
. دخل غرفتها وجدها أفاقت ووالدتها وفريدة يساندونها لكي ترتاح بجلستها
أسرع إليها ونبضات قلبه في تسارع مع الزمن: أخيرا أفاقت وفتحت عيونها التي رجعت لروحه الحياة مرة أخرى
نظرت إليه وعلمت بحالته بعدما علمت من والدتها ماصار عندما أفاقت وسألت عنه
: عايزة ايه حبيبي خليكي نايمة ومرتاحة
: نظرت إليه بإشتياق وملست على وجهه لقد اشتاقت إليه حد الجنون ثم أردفت بصوت مختنق من نظرات عيونه الحزينة: عايزة اقعد شوية تعبت من النوم… أنت عامل إيه
خرجت نبيلة وفريدة وهمس وتركوهم
جلس بجوارها على الفراش وضمها لأحضانه: كويس الحمدلله طول ماإتني كويسة أنا كويس
ضمته ووضعت رأسه على صدرها: البقاء لله ربنا يرحمها.. أنا عارفة وحاسة بيك أوعى تشيل نفسك مسؤلية اللي حصل دا عمرها حبيبي
وإن شاءلله عمر هيفوق وهيكون كويس عندي يقين بالله دي محنة هنعدي كلنا منها على خير أهم حاجه انك تقوى عشان لما يفوق ياريان
ان شاء الله حبيبتي نظر إليها: لسة حاسة بوجع فيه حاجة بتوجعك
: لا أنا كويسة كنت مرعوبة على إبننا بس الدكتورة طمنتني وقالت أنه تمام بس عايز الراحة
قبل رأسها: الحمدلله على كل حال إن شاء الله يجي بالسلامة أهم حاجه خلي بالك من نفسك
وضعت رأسها في عنقه ثم أردفت: طول ماأنت جنبي هكون كويسة ياريان أنا زعلانة عليك قوي حاول تخرج من حالتك دي بسرعة وترجعلي حبيبي وحشتني قوي… أخرجها من أحضانه وملس على وجهها بحنان: أنا كويس قولتلك أهو ولا لازم انحر.. ف عشان تصدقي
ضحكت عليه أيوة كدا أنا صدقت إنك كويس
اقترب منها ثم همس أمام شفتيها: هحاسبك على كدا
ضيقت عينيه مستفهمة عن كلماته
وضع جبينه على جبينها: كدا يانغم توجعي قلبي عليكي كدا تبعدي عني الساعات دي كلها
ملست على وجهه وضمته بين يديها ثم تحدثت بصوتا مخنوق: آسفة حبيبي مش هتحصل تاني وعد مني
اخذها بهدوء وتسطح على الفراش: مش عايز حاجة دلوقتي غير إني أخدك في حضني وأنام
ملست على شعره بحنان _نام شوية حبيبي وبعدين روح اطمن على عمر
رفع رأسه ونظر إليها: لو نمت صدقيني مش هقوم ثم اعتدل ووقف نامي أنتي وإرتاحي عشان شوية كدا الدكتورة تشوفك وتروحي
: انا مش هسيبك ولا دقيقة هنا وروح
اخفض رأسه ونظر إلى عيونها: لو كان عليا مش عايزك تبعدي عن عيوني بس اليوم هيكون مرهق عليكي ومينفعش لازم ترتاحي ثم وضع يديه على بطنها عشان أميرتي ترتاح وتجينا بالسلامة ولا أنتي مش عايزاها تيجي
وضعت يديها علي يديه: أولا دا هيكون ولد شبه باباه ثانيا طبعا هموت وأشوفه وألمسه
وقف وابتسم ابتسامة لم تصل لعينيه: من دلوقتي هنتخانق يانغم أنا همشي دلوقتي هجيلك بعد الدفن خلي بالك من نفسك
ثم خرج وأخيرا سمحت لدموعها بالسقوط.. زوجها لم يكن بحالته ابدا ظلت تدعي ربها ان يلهمه براحة باله
ثم ذهبت في سبات عميق
بعد شهر تقريبا جلس يوسف بجوار والد فريدة وتم عقد قرانهم في جو من الحب والسعادة
نظرت نغم إلى ريان الذي يجلس بجوارها ولا يتحدث: هتفضل كدا زعلان مني
لم يعلق على حديثها ولكنه وقف فجأة _تعالي نباركلهم ونمشي عايز اعدي على بابا واشوف عمر
يأست منه ولكنها أطاعته ووقفت وتوجهت الى فريدة ويوسف
بعد كتب الكتاب بمنزل نبيلة
مش عارفه أنت ليه مصر ياأحمد على الموضوع دا أنا كان ردي قطعي يعني مستحيل
يأس من محاولاته معها: يعني مش هتدينا فرصة يانبيلة
نظرت إليه ودموعها سقطت رغما عنها: مينفعش والله مش عايزة أخون محمد مش عايزة حد يقول خطفت جوز واحدة اعذرني ثم تركته وغادرت غرفتها
نظر إلى همس ومالك الذين يجلسون في صمت
: أنا حاولت معها ياعمو وهي رافضة ونغم كلمتها بس هي مصّرة على الرفض
اتجه الى الباب مغادرا ولم يتحدث بحرفا واحد
في فيلا المصري
ينام عمر بهدوء من كثرة الأدوية إتجهت مرام إليه بطعامه الذي خصصه له الطبيب.. جلست بجواره وملست على وجهه بحنان _حبيبي قوم عشان ميعاد علاجك فتح عيونه ومازال أثار النوم على وجهه
أنتِ لسة هنا يامرام مروحتيش
وضعت رأسها بجانبه على الوسادة ونظرت إلى عيونه _أنا مش مروحة أنا في بيت جوزي ومش هتحرك من هنا إلآ إذا أنت مش عايزني
_حبيبتي أنتي ربنا يخليكي ليا بس مش هتفضلي كدا أنتي تعبتي قوي الأيام دي
ملست على وجهه بحب ويخليك ليا ياحبيب عمري كله إقترب منها ثم همس لها كنتي هتعملي ايه لو حبيبك مات…
اعتدل وتملك منها وتولى قبلتها ليعلمها كيف يكون العشق… دخل ريان وجدهم بهذه الحالة
_يخربيتكم بتعملوا إيه طيب اقفلوا الباب
وقف مرام سريعا وكادت تموت خجلا وأصبحت خدودها كحبة طماطم
جذبها عمر إليه: فيه واحد يدخل على حد كدا يخربيتك دايما فاصلني
رفع حاجبه بغيظ إليه: أنا برضو لم ينظر الى مرام كي لا يخجلها أكثر من ذلك ولكنه تحدث إليها:
نغم تحت مستنياكي إنزليلها
خرجت سريعا وتكاد خدودها تنفحر من حرارة خجلها
نظر عمر إليه: والله أنت فصيل ورخم فيه حد يعمل اللي عملته شوفتنا ارجع ياآخي لازم تطب علينا زي القضى المستعجل كدا
_بس ياله واحترم نفسك دي أختي يعني لازم تكون مؤدب شوية
